लूका 23

33 जब वी उ जगा जे को खोपड़ी को जगा बोला हैं पहुँचिया, ते उन ना वहाँ ओ ख अर उन बुरा काम करन वाला ख भी एक ख दाहिनी अर दुसरो ख बाई तरफ सूली पर चढ़ायो। 34 तब यीसु न कहयो, "हे बाप ऐका माप कर, काहेकि यी नी जानत की यू का कर रया।" अर चिठ्टी डाल ख ओके आपस म कपड़ा हुन बाँट लियो। 35 लोग खड़ा-खड़ा देखत रह हता, अर मुखिया भी माजक कर ख कहत रह: "येना दुसरा का बचायो, अदि यू परमेस्वर को मसी हैं, अर ओको चुनो वालो हैं, ते अपनो तुम का बचा ल।"

36 मुखिया भी सामे आ यू ख अर अंगूर को काडवा रस दे ख ओको मजाक कर ख कहत हता। 37 "अदि तू यहूदी हुन को राजा हैं, ते अपनो तुम ख बचा!

38 "अर ओको क्रूस ऊपर एक अरोप जिटठी भी लगो हतो; यू यहूदी हुन को राजा हैं।"

मन फिरान वालो बुरो अदमी

39 जे बुरो काम करन वालो हुन का भी लटकायो गयो हतो, ओमा से एक न ओकी निन्दा कर ख कहयो, "का तू मसी नी? ते फिर अपनो तुम का अर हम ख बचा!"

40 इ पर दुसरो न ओ ख डाँट ख कहयो, "का तू परमेस्वर से भी नी डरत? तू भी ते उही दण्ड पर रय्हे हैं, 41 अर हम ते न्याय को अनुसार पा रय्हे हैं, काहेकि हम अपन बुरो काम हुन का फल पा रय्हे हैं; पर ऐना कोई बुरो काम नी कियो हैं।" 42 तब ओ न कहयो, "हे यीसु जब तू अपन राज्य म आएँगो, ते मोरी सुधि लेनो।"

43 ओ न ओसे कहयो, "मी तो से सच कहूँ हूँ कि आज ही तू मोरो संग स्वर्ग लोक म होगो।"