मरकुस 5

भूत लगियो इंसान ख अच्छो करनु

1 यीसु जब झील को ओ नो पार गिरासेनी हुन को देस म पहुँचियो 2 जब उ नाव पर से उतरो ते तुरत एक इंसान जेमा बुरी आत्मा लगयो हतो रह, मरघट की गुफा म से निकल ख ओसे मिलियो। 3 उ मरघट म रहत रह हतो अर कोइ ओ ख साँकल हुन से भी नी बाँध सकत रह, 4 काहेकि उ बार-बार बेडी हुन अर साँकल हुन से बाँधी गयो रह, पर ओ न साँकल हुन ख टोड़ दियो अर बेडी हुन को टुकड़ा-टुकड़ा कर दियो हतो, अर कोई भी इंसान ओखा बस म नी कर सकत रह काहेकि उ बेजा सक्तिसाली हतो। 5 उ लगातार रात दिन मरघट अर पहाड़ हुन म चिल्लावा अर खुद ख पत्थर हुन से मारते जात रह अपनो आँग म खत्ता-गुम्मा उठात रह।

6 उ यीसु ख दुर से देख ख दऊडियो, ओको सामने आका पाय मोढ़ ख झूक गयो, 7 अर बड़ी जोर से चिल्ला ख कहयो, "अरे यीसु, परमप्रधान परमेस्वर को पोरिया, मोखा तोसे का काम? मी तोखा परमेस्वर कि कसम देऊ हैं कि मोखा दुख मत देवा।" 8 काहेकि यीसु न ओसे कहयो रह, "अरे बुरी आत्मा कि आत्मा, यू अदमी म से निकल ख आ!"

9 यीसु न ओसे पुछियो, "तोरो का नाम हैं?" ओ न ओसे कहयो, "मोरो नाम सेना हैं; काहेकि हम बेजा सारा हैं।"

10 अर ओ न ओसे बेजा विनती करी, कि "हमका यू सिवाना*5:10 छेस्र से बाहर मत भेजा।"

11 वहाँ टेकड़ी कि उतार हती वहाँ पर डुक्कर को एक झुण्ड चरत रह हतो। 12 भुत कि आत्मा न यीसु से विनती कर ख कहयो, "हम ख वी डुक्कर हुन म भेज दा कि हम उनको भीतर जाए।" 13 ओको बाद यीसु न कहयो अर बुरी आत्मा न ओकी बात मान लियो अर निकल ख डुक्कर हुन को भीतर समा गई अर झुण्ड, जे कोई दो हजार को हतो रह, कड़ाडे म से दऊड ख झील म गिडियो अर ड़ुब मरियो।

14 उनका चरान वाला न दऊड ख नगर अर गाँव हुन म खबर सुनायो, अर जो भयो रह अदमी हुन ओखा देखन आया। 15 यीसु को कने आ ख वी ओखा जेमा भूत हुन समाया हता, एको मतलब जिनमा सेना समाई हती रह, कपड़ा पहिनिया अर चुप चाप बैठियो देख ख ढ़ेर पुरा झन डर गया। 16 देखन वाला हुन न ओको, जेमा भूत हुन समायो हतो, अर डुक्कर हुन को बारे म उनका पुरो हाल कैय ख सुनायो।

17 तब वी ओखा विनती कर ख बोलन लगीया कि हमारो सिवाना से चलो जा।

18 जब यीसु नाव पर चड़न लग गयो ते उ जेमा पहले भूत हुन समायो हतो रह, ओखा विनती करन लग गयो, "मोखा तोरो संग म रहन दा।"

19 पर यीसु न मना करो, अर ओसे कहयो, "अपनो घर म जा ख अपना माय बाप ख बता की तोपर दया कर ख प्रभु न तोरो लाने कसो बड़ो काम करियो।"

20 उ जा ख दिकापुलिस*5:20 एको मतलब दस गाँव को छेस्र म या मान्दी ख प्रचार करन लग गयो कि यीसु न मोरो लाने कसो बड़ो काम करियो; अर सब अदमी हाईब करत रह।