मरकुस 6

चेला हुन को लउटनू अर अकेलो म रहनु

30 प्रेरित हुन न यीसु को सामे इकट्ठा हो ख, जे कुछ उन न करयो अर सिखायो थो, सब यीसु ख बतायो, 31 फिर यीसु न उनका कहयो, "आव अब अपुन सब अलग कही सान्त जगह म जा ख थोड़ो आराम करो।" काहेकि बेजा झन आत-जात रह अर उनका खान को भी बखत नी मिलत रह, 32 येको लाने वी नाव म चड़ ख सुनसान जगह म अलग चला गया।

पाँच हजार इंसान ख रोटी खिलानू

33 बेजा इंसान न यीसु अर चेला ख जाते देख ख पहिचान लियो, अर सब नगर से इकट्ठा होका वहाँ नंगा पाय दऊड़िया अर यीसु अर चेला को से पहले जा पहुँचिया 34 यीसु न उतर ख वहा बड़ी भीड़ देखियो, अर उन पर तरस खायो, काहेकि वी, वी भेड़ को जसा हैं, जिनका कोई चरान वालो नी हाय; अर यीसु उन ख बेजा सी बात सिखान लग गयो। 35 जब दिन बेजा ढ़ल गयो, ते यीसु ख चेला ओको सामे आ ख कहन लगया, "यहाँ पर सुन सान जगह हैं अर दिन बेजा ढ़ल गयो 36 अदमी हुन ख भेज कि चारी तरफ को गाँव हुन अर बस्ती हुन म जाय ख अपनो लाने, कुछ खान ख मोल लेका आहे।"

37 यीसु न जवाब दियो, "तुम ही उनका खान ख देव।" उन न यीसु से कहयो, "का हम सव दिन की दीनार की रोटी मोल लेका आहे, अर उनका खलाहे?"

38 यीसु न उनका कहयो, "जा ख देखो तुमरो पास म कित्ती रोटी हुन हैं?" उन न मालुम कर ख कहयो, "पाँच रोटी अर दो मच्छी भी।"

39 तब यीसु न आग्या देका कहयो कि सब ख हरी घास म एक लाइन से बिठाल देव 40 वी सव-सव अर पचास-पचास कर ख कतार म बैठ गया 41 यीसु न वी पाँच रोटी ख लियो अर स्वर्ग की तरफ देख ख परमेस्वर से धन्यवाद दियो, अर ओको बाद फिर दो मच्छी ख लियो अर परमेस्वर कि तरफ धन्यवाद देका चेला हुन ख देते गयो, कि वी सब अदमी हुन ख परोसे, 42 सब न भर पेट खाना खायो 43 अर चेला हुन न बची रोटी को टुकड़ा से बारा टोकनी हुन भर ख उठायो, अर कुछ मच्छी को टुकड़ा से भी। 44 जिन न रोटी खायो वी पाँच हजार इंसान हता वी खान वाला म सिर्फ इंसान हुन कि गिनती करी।