Matyu 5

3 ✝5.3: Sng 51.17 naŋga, Ais 57.15 naŋga, Lu 6.20Krunavundindu mavɨñɨŋi tɨkatɨka mandɨhi Gotɨŋ ndaya tɨhɨraramandu haŋɨnɨŋ kɨnzɨhɨnzɨtɨmu. Nurɨ Gotɨndu tɨwɨyɨ kɨyɨmandɨyu. 4 ✝5.4: Ais 61.2 naŋga, Lu 6.21 naŋga, Sk 7.17Krunavundi irɨhɨŋgukuyɨ kuyu haŋɨnɨŋ kɨnzɨhɨnzɨtɨmu. Nurɨŋ Got mɨŋañɨŋarɨti mavɨñamɨñɨ kɨyɨmandɨyu. 5 ✝5.5: Sng 37.11 naŋga, Ais 29.19Krunavundi nurɨŋandɨ ñɨmbi taŋguhu mɨŋgundi haŋɨnɨŋ kɨnzɨhɨnzɨtɨmu. Nurɨŋ Got pɨrɨvɨsa nɨŋandɨhin sɨhanaŋga ŋgurɨmandɨ. 6 ✝5.6: Ais 55.1-2 naŋga, 65.13Krunavundi avɨhatɨhi naŋga kukumɨtandɨhi andɨndu maña avi vana andɨtɨrɨm pirɨtamandu haŋɨnɨŋ kɨnzɨhɨnzɨtɨmu. Nurɨŋ Got ŋguramɨti avi vana taya andɨrɨmandɨyu. 7 ✝5.7: Je 2.13Krunavundi muŋɨnɨŋ ŋgata sɨhisɨhitɨta ŋguramandu haŋɨnɨŋ kɨnzɨhɨnzɨtɨmu. Nurɨŋ ndahara Got sɨhisɨhitɨta ŋguramɨrɨmandɨ. 8 ✝5.8: Sng 15.2 naŋga, 24.3-4 naŋga, 51.10 naŋga, 73.1 naŋga, 1 Ko 13.12 naŋga, Hi 12.14 naŋga, 1 Jo 3.2-3Krunavundi Gotɨndu avi vanarɨmɨndaya indarɨmitandu haŋɨnɨŋ kɨnzɨhɨnzɨtɨmu. Nurɨ Gotɨŋ ŋgɨmandɨyu. 9 ✝5.9: Mt 5.45 naŋga, Lu 6.35 naŋga, Ro 14.19Krunavundi kuyumɨŋguta kurɨhahu, timu mɨŋa tamu mɨŋata mɨŋasɨrɨvandu haŋɨnɨŋ kɨnzɨhɨnzɨtɨmu. Kandɨhaŋɨnɨŋɨrɨm Got yandɨ ñɨŋisɨm, vɨrɨmandɨ. 10 ✝5.10: 2 Ko 4.17 naŋga, 2 Ti 2.12 naŋga, Hi 12.4 naŋga, 1 Pi 3.14Krunavundi avi vana andɨtu, muŋɨnɨŋ nurɨŋ kañɨnda ŋgutu kɨnzɨhɨnzɨtɨmu. Nurɨ Gotɨndu tɨwɨyɨ kɨyɨmandɨyu. 11 ✝5.11: Lu 6.22 naŋga, Je 1.2 naŋga, 1 Pi 4.14Kamata narɨŋ ŋgɨtu yandɨ ñiŋgiñɨ kɨtɨra, narɨŋ kuyu ñamba ŋguta, narɨŋ ñamba taŋguta kuyusɨhɨrɨŋguyu ihɨvarɨtu ndahara kɨnzɨhɨnzɨtɨmara. 12 ✝5.12: 2 Sto 36.16 naŋga, Lu 6.23 naŋga, Sɨ 5.41 naŋga, 7.52 naŋga, 1 Te 2.15 naŋga, Hi 11.32-38 naŋga, Je 5.10 naŋga, 1 Pi 4.13Kandɨhamata musa andɨtu ndahara aru kɨnzɨhɨnzɨtɨmara. Muhɨmɨmuhɨm avihɨmɨŋgɨm narɨŋambirɨm Gotɨndu pɨhuyɨ kɨyɨ. Kru Gotɨndu kuyu mɨŋata ambavaravara Gotɨndu haŋɨnɨŋ kasiramata umu haŋɨnɨŋɨrɨm ndahara sɨhwɨmaña musa nda andɨmu, vami.