22 Gagi, pauꞌakami, montonda atora agamando, bisake kimpobara sima la Mokole Langkai Roma ara aio?"
23 Kanggo Iesu tumoꞌorio tinunggairo meꞌakalaꞌo. Akono raaꞌa Iwono mepau ndi iworo, 24 "Popokito Akune aso lempe doi pera. Gambara ka ngeeno isia henu inuki la doi neea?"
Iworo mesangki, "Gambara ka ngeeno Mokole Langkai Roma."
25 Iesu mepau ndi iworo, "Taꞌalu lesie, weiꞌakeoto Mokole Langkai pio henu asolekono wineiꞌako Mokole Langkai, ka ndi iworo Ue Ala pio henu asolekono wineiꞌako ndi iworo Ue Ala."