2 Pedro 2

Vawula va udesi

1 Pahumalili na vamlota vaudesi pagati ya vandu, na mewawa vawula va udesi yati vihumila pagati yinu. Vandu venavo yati viyingisa chamfiyu mawuliwu ga udesi na kumbela Bambu mweavagombwili, ndava yeniyo yati vakujiletela kuyongomela kwavi vene. 2 Kavili vandu vamahele yati vakuzilanda njila zavi zezileta soni, ndava yavi, vandu vangi yati vakuyivevesa njila ya chakaka. 3 Ndava ya mnogo wavi uhakau yati vakujipatila mashonga kuhuma kwinu kwa kuvajovela humu za udesi. Nambu Chapanga amalili kuhamula kuhumila kadeni kuvya yati akuvahamula, na avi mihu chakaka yati akuvakoma.