Kupumulila kwa vandu va Chapanga
7 Ndava muni, ngati cheijova Mpungu Msopi mu Mayandiku Gamsopi,
"Lelu mukayuwana lwami lwa Chapanga,
8 mkoto kukita mitima yinu yinonopa,
ngati vagogo vinu pevanibelili kuniyidakila,
lukumbi lula pevanilingili kulugangatu.
12 Hinu valongo vangu, mjiyangalila mumitima yinu akotoka kuvya mundu pagati yinu mweavi na mtima uhakau wangasadika, weukujibagula na Chapanga mweavi mumi. 13 Nambu mkangamalisanayi mtima, lelikemelewa "Lelu" Yeyisomwa mu Mayandiku kila ligono, muni akotoka kuvya hati mmonga pagati yinu mweavi na mtima unonopo kwa kukongiwa na kuvya mndindani.
15 Ngati Mayandiku Gamsopi chegijova,
"Ngati mwiyuwana lwami lwa Chapanga lelu,
Mitima yinu yikoto kunonopa, ngati chevakitili vagogo vinu
pavabelili kumyidakila Chapanga."