Matei 15

3 Yesu akayangula, "Ndava kyani nyenye mwidenya mihilu ya Chapanga, ndava ya kulanda mawuliwu ginu?" 4 Chapanga amali kujova, uvatopesa dadi waku na nyina waku, na mweampela likoto dadi waki amala nyina waki yikumgana akomiwa. 5 Nambu nyenye mwijova, mundu mweakumjovela dadi waki amala nyina waki kuvya, chochoha chenihotola kukutangatila, nimuwusili Chapanga, 6 iganikiwa lepi kumtangatila dadi waki amala nyina waki. Chenichi ndi chemdenya amuli ya Chapanga kwa kugalanda mawuliwu ginu! 7 "Nyenye mwemkujikita kuvya vandu vabwina! Isaya alotili chakaka, ndava yinu, peajovili malovi aga!

8 ‘Chapanga ijova, vandu ava vakunitopesa kwa malovi ndu,

nambu mitima yavi yivii kutali na nene.

9 Kunigundamila kwavi ndi waka,

ndava mambu geviwula ndi malagizu ga vandu ndu.’ "