Mateus 16

ཕ་རུ་ཤི་པ་དང་ ས་དུ་ཀི་པ་གི་བུལ་དོག།

5 བོད་མཚོ་ཀིམ་ཇི་ཐི་ལོ་གོ་ཁར་མ་ སློབ་མ་གི་བཅོ་ཐམ་འབག་ཇི་ བརྫེད་པ་ཡོན་ད། 6 ཡེ་ཤུ་གི་སློབ་མ་ནང་ ཁྱི་སེམས་དྲན་པ་ཆོང་ཇི་ ཕ་རུ་ཤི་པ་དང་ ས་དུ་ཀི་པི་གི་ཕབས་ ཆོད་ནས་རིགཔ་བསྒྱིམ་ཉེ་ལེ་བུ་ཇི་གསུང་མ།

7 སློབ་མ་བོ་ར་ཐེ་གི་ཐེ་ནང་ ཁྱི་འོ་སོར་གསུང་ཁན་ཆ་ཡི་ ངད་བཅོ་ཐམ་ཁོར་མེ་ལ་བརྫེད་ཇི་ བྱིག་པ་ཡོན་ད་བུ་ཇི་ཞུ་ན།

8 ཡེ་ཤུ་གི་བོ་ཡི་ཁན་ལ་མཁྱེན་ཇི་ དབའི་ ཁྱེད་དད་པ་ཆིང་ཀུ་ལ་ཆ་ཡི་ ཡོད་རང་གི་བར་དོ་ ཞ་ཡོ་བཅོ་ཐམ་གྱི་ལོ་རྒྱུས་སླབ་ཏ་ཡ། 9 ཡོན་ཇི་ད་རུ་ཡ་ ཧ་མ་དགོ་ཡ་ བཅོ་ཐམ་ལེབ་ཡ་ང་ མི་སྟོང་ཕྲག་ཡ་ང་བུལ་བྱི་ ཡོད་ཇི་ལྷག་པ་ཁོམ་པ་ ཨག་པོ་དུ་ས་ཡི་ ཡོན་ཇི་སེམས་ན་མུ་ཡི་ཡ།✝16:9 མ་ཐི 14:17-21 10 ✝16:10 མ་ཐི 15:34-38ད་རུང་ང་ཡི་བཅོ་ཐམ་ཡབ་ཉིས་ མི་སྟོང་ཕྲག་བླེ་ལུ་བུ་ཇི་ སག་པ་ཁོམ་པ་ཨ་པོ་བསྡུ་ས་ཡི་ ཡོད་ཇི་མི་གར་ད་ཡ། 11 ང་ཡི་ཡོན་དོ་བཅོ་ཐམ་གི་སྐོར་ནས་ སླབ་ད་མིན་བུ་ཇི་ ཡོན་ཇི་ཞ་བུ་ཇི་ཤེསཔ་སྨོ་ ད་རུང་ང་ཡི་སླབ་ད་ ཕ་རུ་ཤི་པ་དང་ ས་དུ་ཀི་པ་གི་ ཕབས་ ཆོད་ནས་རིག་པ་བསྒྱིམ་ཇི་ཉེ་ལེ་གསུངས་ན།

12 ཆོད་ནས་སློབ་མ་གི་ ཡེ་ཤུ་གི་བཅོ་ཐམ་ནང་ བླུག་ཁན་ལ་ཕབས་སྐོར་ནས་གསུངསམ་མེན་པར་ ཕ་རུ་ཤི་པ་དང་ ས་དུ་ཀི་པ་ཚུ་གི་ཆོང་མེ་ལ་མི་ཁྲོས་ཚུ་ནས་ རིག་པ་བསྒྱིམ་བྱི་ ཉེ་ལེ་གསུངསམ་ཡོན ཁྱི་གིས་ཤེས་ན།