མེ་ཐིའུ་ལེའུ 18

སྡིག་པ་བུ་འརན་ལ་ཡོད་སྤུན་ཆ།

15 ད་ཡོ་ ཨ་ཏོར་ཏི་བུ་ཇི་ ཡོད་ཀྱི་དད་པ་ཅན་གྱི་སྤུན་ཆ་གིས་ ཡོད་དོ་འཛོལ་བ་བུ་ནང་ནས་ གཞན་མ་མ་བརན་བོད་ ཁྱི་ནག་ས་རོ་ག་ཡི་ཇི་ ཁྱི་སྐྱོན་ཆོང་ཇི་སླབ་བྱ་བུལ་ ཁྱི་ཡོད་བསླབ་བྱ་ཉན་ནང་ནས་ ཡོད་སྤུན་ཆ་ག་ཡི་ནས་ ཡམ་འཛོལ་བ་ནང་ནས་ ལོག་ཉང་ད་ཡོན། 16 ཨ་ཏོར་བུ་ཇི་ཡོད་སླབ་ཁན་མ་ཉང་ནང་ནས་ ད་རུང་མི་ཐེ་ ཡང་མི་ཇོན་པ་འདི་ ཡོད་དེ་རེ་ཁྱི་ཇི་ཁོ་ལེ་ མི་ཇོན་ཡང་ན་གསུམ་འཛོམ་དཔང་བུ་ཇི་ སླབ་ཁན་ལ་ལོ་རྒྱུས་ཆ་ཡི་ དོན་ལས་ར་བརྩི་ར། 17 ཨ་ཏོ་ཏི་བུ་ཇི་ ཁྱི་གི་ སླབས་པའི་གི་གཏམ་ན་ ནཝ་མ་ཉན་སར་ འ་ནང་ནས་ ཆོས་ཚོགས་དམང་ནང་ སྙན་འབུལ་ཞུ ཨ་ཏོ་ཏི་བུ་ཇི་ ཆོས་ཆོགས་དམང་ནང་ཡང་ ཁྱི་གི་ ནཝ་ཡ་མ་ཉན་སར་འན་འང་ནས་ ཁ་ཡི་བསྡུ་ཁན་ ཡང་ན་ དཀོན་མཆོག་དང་གཞན་འབྲེལ་མེ་མུ་ཁན་ཆ་ཡི་ མི་བུ་རྩི་དགོ།

18 ང་ཡི་ཡོད་དོ་དོན་ལ་ར་སླབ་ཏ་ཡོན་ ཡོད་ཀྱི་འཛམ་བུ་གླིང་ད་དམ་སང་ ཞིང་ཁམས་ནང་ཡང་དམ་ད་ཡོན་ ཡོད་འཛམ་བུ་གླིང་ནང་ཞ་ཁྱི་སང་ ཆེ་ ཞིང་ཁམས་ན་ཡང་འཁྱོལ་ཆུགས།

19 ད་ར་ཁྱི་དོ་སླབས་ཏ་ཡོན་ འཛམ་བུ་གླིང་ནང་ཞ་ཇུ་མེ་ལ་ཡོ་ ཡོད་གྲལ་ཁ་ནས་ ཇོན་ཁ་འཆམ་ནང་ནས་ ཞིང་ཁམས་ནང་ཞུ་ཁན་ཆ་ཡི་ ང་ཡི་ཡབ་གྱི་གནང་མེ་ལ་ཡོན། 20 ཆོད་ནས་ཨ་ཏོར་བུ་སང་ མི་ཇོན་ཡང་ན་གསུམ་ ང་ཡི་མིང་ནང་འཛོམས་ས་འརན་ ང་ཡི་ ཁྱི་སྦུག་ན་ ར་ཇི་ཉེ་མ་ལ་ཡོན་བུ་ཇི་གསུངས་ན།