1 ད་ར་ཡེ་ཤུ་གི་ དཔེར་ན་ཞིང་ཁམས་ཀྱི་རྒྱལ་སྲིད་ཆ་ཡི་ བླེང་གི་སྦྱིན་བདག་ཐེ་གི་ང་ཇི་ངན་མ་ ཁྱི་རང་གི་རྒུན་འབྲུམ་གླེང་ནང་ ཡས་བུ་རུ་ ལེ་མི་འཚིལ་ནི་ག་ཡི་མི་དང་འདྲ། 2 སྦྱིན་བདག་ཆར་ཇི་ ལས་མི་ལུ་གླ་ཆ་ ངོ་ཡི་གི་ཐ་ལ་ཐེ་ཐེ་ཁ་རྪིག་ཁེར་ན་ ཁྱི་གི་ཁྱི་ར་ཞིང་ན་ངོ་ ཡས་བུ་རུ་བླེད་ན། 3 ཆོད་ནས་སྦྱིན་བདག་གི་ ང་ཇི་དོ་གོ་དེ་གཅིག་ཁར་ ཁྲོམ་ནང་ག་ཡི་ན་ མི་ཡས་ཞ་མུ་ལ་གི་ ཁྲོམ་ནང་ཡང་ཇི་ཉི་ས་མཐོང་ན། 4 ཁྱི་ཡི་ཁྱི་ང་ཡི་ གླེང་ནང་ཡས་བུ་རུ་ག་ལེ་ ཡོད་དོ་ཉང་དགོ་ས་ཡི་ གླ་ཆ་ང་ཡི་སྤྲོད་ར་བུ་ཇི་སླབ་ན། 5 ཆོད་ནས་ཁྱི་ གླེང་ནང་ཡས་ བུ་རུ་ག་ཡི་ན་ ད་ར་སྦྱིན་བདག་ཆ་ཡི་ཚུ་ཚོད་བཅོ་གཉིས་ཕ་ཏེ་ན་ ཆུ་ཚོད་གསུམ་དེ་ནེ་ ཕ་ང་བྱོང་ག་ཡི་བྱི་ ན་རོ་ཅོག་ས་ར་བུ་ན། 6 ད་རུ་ ཕྱི་རུ་ཚུ་ཚོད་ཡ་ང་དེ་ཅི་ནང་ ཁྱི་པ་ང་ག་ཡི་མ་ ཁྲོམ་ནང་མི་ཕེ་དེ་ཡང་ཉི་ས་མཐུང་ཇི་ ཁྱི་གི་བོ་དོ་ ཡོད་ཉིན་ཐེ་ར་ ཡས་ཞ་མུ་དོ་ ཞ་བུ་ཇི་ཆོ་ན་ཡང་ཇི་ཉེ་ས་ བུ་ཇི་གིར་མ། 7 ཁྱི་ངེད་ལས་མི་བུ་བྱ་བྱི་ ཨ་ཡང་མུ་ད་བུ་ཇི་སླབ་ད་ ཁྱི་ཆོར་བུ་ས་འརན་ཡོད་ཡང་ ང་ཡི་གླེང་ནང་ཡས་བུ་འརན་ ག་ལེ་བུ་ཇི་ བླེད་ན།

8 ནམ་སུན་ལ་སྦྱིན་བདག་གི་ཡས་བལྟ་ཁན་ཆ་ཡི་ ལས་མི་ཆ་ཡི་བྱ་བྱི་ བྱུ་ཉོག་ཅིག་ར་འརན་མི་ནས་འགོ་སོ་ཇི་ ན་རོ་ནས་བྱུ་དགོ་ གླ་ཆ་བུལ་བུ་ཇི་ སླབ་ན། 9 ཕྱི་རུ་ཤུ་ལ་ ཚུ་ཚོད་ཡ་ང་ནང་ར་འརན་ལས་མི་ཆ་ཡང་ གླ་ཇ་ཏི་རུ་ ངོ་ཡི་ཐ་ལ་ཐེ་ཐེ་ཉང་ན། 10 ངར་ཇི་ར་ ར་འརན་ལ་ས་མི་གི་སེམས་ན་ ངེད་གླ་ཆ་ཐེབས་ཉང་ར་བུ་ཇི་ རོ་བ་བསྐྱེད་ན་ ཆ་ཡི་བུ་མ་ བོད་ད་ས་ང་གི་གླ་ཆ་ཏི་རུ་ ངོ་ཡི་ཐེ་ཐེ་ཉང་ར། 11 བོ་ཡི་ གླ་ཆ་ཏི་རུ་ཆ་ཡི་ ངོ་ཡི་ཐེ་ཐེ་མ་ཉང་པའི་ཆར་ཇི་ སྦྱིན་བདག་ལུ་ཁ་བླེད་ན། 12 བྱུ་ཉོག་ཇི་ར་འརན་ཆར་ཇི་ ཚུ་ཚོད་ཐེ་རྐྱང་མ་ཐེ་ ཡས་བུ་ན་ ངད་ང་ཇི་བ་ར་ཇི་ ལཱ་ཁག་ར་ས་ ཉིནམ་གྱི་ཆིག་སྟེ་ཡས་བུ་སང་ བོད་ནས་ནེ་དོ་ ཡོད་ལཱ་ཆ་ཆ་ཡི་ འདྲན་འདྲ་བུ་ཇི་སྤྲོད་ན་བུ་ཇི་སླབ་ན།

13 ཆ་ཡི་བུ་མ་དཝ ཁྱི་གི་སལ་མི་ཐེ་ནང་ དབའི་ ཆ་རོགས་ང་དོ་མ་ཕྲངམ་བུ་ས་མིན་ ཡོད་ཀྱི་ལཱ་ཆ་ཏི་རུ་ཆ་ཡི་ ངོ་ཡི་ཐེ་ཐེ་གི་དོན་ན་ཡས་བུ་མེ་ལ་བུ་ཇི་ ཁ་ཚིག་ཁེར་མེ་ལ་ཡོན་མིན་ལ། 14 ཡོད་ར་ཞ་ཉང་མི་འདི་ འབག་ཇི་ག་ལེ་ བྱུ་ཉོག་ཇི་ར་འརན་ཆ་ཡང་ ཡོད་དོ་སྤྲོད་དོ་ཅོག་སར་ སྤྲོད་མེ་ལ་ཡོན། 15 ང་ཡི་ང་རའི་ཏི་རུ་ཆ་ཡི་ ཨ་ཏོར་བུ་མེ་ལ་ཡོན་ནམ་ ཆ་ཡི་རང་གི་བུ་ཇི་ཐག་ཆུ་དགོ་ ཡང་ན་ང་ཡི་མི་ན་བཀའ་ཅིན་བུ་མ་ ཆར་ཇི་མིག་ཁོ་ཡི་ན་ཡ།

16 ཆ་ཡི་ཅོག་སར་བུ་ཇི་ ཨ་ཡི་བྱུ་ཉོག་ཅི་ར་ས་ཆ་ཡི་ ན་རོ་བྱོང་ག་ཡི་ར་ ན་རོ་མ་བྱོང་ཁན་ཆ་ཡི་ བྱུ་ཉོག་ཇི་ཉི་ཁན་ཆ་ཡི་ ཡུ་ཤུ་གི་གསུངས་ན།

17 ཆོད་ནས་ཡེ་ཤུ་ ཡེ་རུ་ཤ་ལེམ་ནང་འབྱོནམ་མ་ ཁྱི་ར་སློབ་མ་བཅོ་ཉིས་ཆ་ཡི་སོ་སོ་བུ་ཇི་ ཡམ་གྱི་ཟུར་དོ་ཇ་བྱི་ ཁྱི་དོ་འོ་སོ་གསུང་ན། 18 ད་ངེད་ ཡ་རུ་ཤ་ལེམ་ནང་ག་ཡི་ད་ ཡརཝ་རཧ་མ་ མིའི་བུ་ས་ཆ་ཡི་ བླ་ཆེན་ན་ བཀའ་ཁྲིམས་ཀྱི་སློབ་དཔོན་ཆ་ཁྱབ་ཀྱི་ ཡག་གོ་སྤྲོད་ར་་ཆོད་ནས་བོད་གི་ཉེད་ཁྲིམས་ སྲོག་ཐོག་ནང་བླེད་མེ་ལ་བུ་ཇི་ ཐག་ཆུད་ར། 19 ཆོད་ནས་ པང་ནང་ཡག་གོ་སྤྲོད་ཇི་ བོ་ཡི་ཁྱི་དོ་མེས་མེད་བསྐྱུར་ རྟས་ལྕག་གི་པོག་ཅི་ ཁྲིམ་ཤིང་གུ་ཆུང་ཇི་བསུད་ར་ ཆ་ཡི་བུ་ཇི་ཉིན་གསུམ་ནང་ ལོག་ཇི་གསོན་པོ་བུ་ཇི་ཉང་ར་ བུ་ཇི་གསུངས་ན།

20 ཆར་ཇི་སྐབས་ན་ ཟེ་བེ་དེ་གི་ཨ་མ་ཆ་ཡི་ མོ་རང་བུ་ས་ཇོན་ཉ་ཡི་འོ་ཇི་ ཡེ་ཤུ་གི་སྐུ་མདུན་ན་ པུས་མོ་ས་ཁར་བཙུགས་ཇི་ ཞུ་བ་ཕུ་ཡི་ན། 21 ཡེ་ཤུ་གི་ཁྱི་དོ་ ཡོད་ཞ་གོ་མ་ལ་དད་པ་ན་ཡ་བུ་ཇི་གསུང་མ་ མོ་གིས་ཆོ་གི་རྒྱལ་སྲིད་ནང་ ང་དོ་བུ་ས་ཇོན་ ཐེ་ཆོ་ང་གི་ཕྱག་གཡས་ནས་ ཐེ་ཆོང་ང་ཡི་ཕྱག་ཡན་ན་ བླེ་ག་ཡི་བུ་ཇི་བཀའ་དྲིན་བསྐྱང་ང་ཡི་བུ་ཇི་ཞུ་ན།

22 ཡེ་ཤུ་གི་བོ་དོ་ ཡོན་ཞ་སླབ་ཏ་ཡོན་ནམ་ ཆ་ཡི་ཡི་ར་མི་བརན་ད་ ང་དོ་འཐུང་མེ་ལ་གྱི་སྡུག་བསྔལ་གི་ཇ་པོར་ ཡོན་ཇོན་གྱི་མཐུང་ཆུ་ག་ཟེར་གསུངམ་ད་ བུ་ས་ཇོན་གྱི་ འཐུང་ཚུགས་ལགས་བུ་ཇི་ལན་ཞུ་ན།

23 ཡེ་ཤུ་གི་ཁྱི་དོ་གསུང་ན ང་ཡི་མཐུང་མེ་ལ་ཡོན་ནམ་ཇ་པོར་ནས་ དོན་ལས་ར་ཡོད་མཐུང་ཆེ་ད་ ཆ་ཡི་བུ་མ་ ང་ཡི་གཡས་དང་གཡོན་ནས་ བླེ་མེ་ལ་དབང་ཚད་ཆ་ཡི་ ང་དོ་མུད་ ཨ་སོ་ཉེ་ཁན་ཆ་ཡི་ ང་དོ་ཡབ་ཀྱིས་ ཨ་ནེ་ཨ་ཡི་དོ་གྲ་སྒྲིག་ བརྐྱབས་ཇི་ བཙག་འཐུ་མཛདཔ་ཡོན་ཡ་ འོ་ས་ནང་བླེག་པ་ར་གནང་ར་བུ་ཇི་གསུང་ན།

24 སློབ་མ་བཙོ་ཉིས་གྱིས་ལོ་རྒྱུས་ཆུ་གོཝ་ཇི་ བོད་སྤུན་ཇོན་ན་ བལྟ་སྟེ་ཙིགཔ་པ་ཟ་ན། 25 ཡེ་ཤུ་གིས་སློབ་མ་ད་ས་ང་ཐེ་ཁར་ར་ཇི་ ཁྱི་དོ་ པང་ནང་གི་དབང་ཚད་ཡོད་ཁན་ འགོ་དཔོན་ཚུ་གིས་དབང་གི་འོག་ན་ མནེམ་བཞགཔ་ཡོན་ ཁྱི་ཤེས། 26 ཆ་ཡི་བུ་མ་ ཡོད་ཆ་ཁྱབ་ཀྱི་སྦུག་ན་ ཕྱིའི་མི་རིགས་ཅོག་སར་བུ་ར་མི་ར་ ཡོད་ཀྱི་གྲལ་ཁ་ནས་ ཨ་ཡི་ར་བུ་སང་ མི་ཚེད་པ་ལ་ནང་ནས་ ཨ་རི་བུ་སང་ མི་ཆེད་པ་རྩི་དགོ་ནང་ནས་ ཆོ་གི་ཡེད་ཀྱི་སྦུག་ན་གཡོག་རྒྱུག་ཇི 27 ཨ་ཡི་ར་བུ་ཨང་ ད་ས་ང་ནས་དྲག་བུ་ཇི་འཐོན་དགོ་ཉེ་ཁན་ནང་ནས་ དེ་གི་ཡོད་རང་གི་སྦུག་ན་ གཡོགཔ་བུ་ར། 28 དཔེར་ན་མིའི་བུ་ས་ཆ་ཡི་ མི་ཚུ་གི་བོ་དོ་ ཞབས་ཏོག་ཞུ་བཅུག་དོན་ན་ར་མེན་ ཆ་ཡི་བུ་མ་དཝ་ མི་ཆར་ཇི་ཞབས་ཏོག་ཞུ་བ་ནང་ནས་ ལེ་ཤ་གི་སྲོག་ཚབ་ན་ རང་གི་སྲོག་རིན་བུ་ཇི་ བྱིན་པ་ར་ན་ཡོན་བུ་ཇི་གསུངས་ན།

29 ཡེ་ཤུ་ནས་ཁྱི་གི་སློབ་མ་ད་ས་ང་ ཡེ་རི་ཀོ་ནས་ འཐོནམ་འབྱོནམ་ད་ མི་དམངས་ཡང་ཁྱི་གི་ཤུལ་ནས་ ར་ཇི 30 ཆར་ཇི་སྐབས་ན་ ཡམ་གྱི་ཟུར་ཁ་ན་ཉེ་མ་ མིག་ཞརཝ་ཇོན་ཀྱིས་ཡེ་ཤུ་ཡམ་ཆ་ཡི་ནས་སྦེ་ བྱོན་མ་བུ་ཇི་གོ་ཇི་ ཁྱི་ཀད་བརྐྱབས་ཇི་ གཙོ་བོ་ ད་བིད་ཀྱི་བུ་བརྒྱུད་ ངད་སྙིང་རྗེ་གཟིགས་གནང་ང་ཡི་ཞུ་ན།

31 མི་དམངས་ཆར་ཇི་ཁྱི་ནང་ཀད་མ་རྐྱབས་བུ་ར་ཚོགས་བརྡ་རྐྱབ་རུང་ ཁྱི་ཇོན་ཀྱིས་ད་ར་ ཆ་ཡི་ཀད་ཤུགས་སྦེ་བརྐྱབས་ཇི་ གཙོ་བོ་ ད་བིད་ཀྱི་བུ་བརྒྱུད་ངད་ན་ སྙིང་རྫེ་གཟིགས་གནང་ང་་ཡི་ ཀད་རྐྱབ་ན།

32 ཡེ་ཤུ་ཆར་ཇི་ བཞེངས་བཞུགས་ཇི་ བོད་ཚུར་ར་ཇི་ ང་ཡི་ཁྱེད་ཀྱི་དོན་ན་ཨ་ཇི་བུ་ར་བུ་ཇི་གསུངས་ན།

33 བོད་གི་ གཙོ་བོ་ལགས་ ངད་ན་མིག་མཐོང་ཚུགསཔ་ན་ མཛད་གནང་ར་ ཞུ་ན།

34 ཡེ་ཤུ་གི་བོད་ཇོན་ན་གཟིགསཔ་ད་ ཐུགས་ན་སྙིང་རྗེ་བྱུང་སྟེ་ ཁྱི་གི་མིག་གུ་ཕྱག་སྐྱེལཝ་ད་ ཆེ་འཕྲོ་ནས་བོད་མཐོང་ཚུགསཔ་ཁེར་ན་ བོད་ཡེ་ཤུ་གི་བྱུ་ཉོག་ཇི་ག་ཡི་ར།