João 12

Yesu kanguyingila ku Yelusalemu kwa chekwa

12 Kilabhu yake lumati lukulu lwa bhandu bhaahikite ku kikubhukubhu bhakiyihwa kukita Yesu kakibhegha munjila kuhika ku Yelusalemu. 13 Hino bhakitola mapanyu gha misalisi bhakibhuka kughenda kunkingama kunu paakweha malobhe bhakilongela, "Tuntike Chapanga! Kanonelwe aywo yunakuhika kwa makakala gha Bambo. Kanonelwe Mutwa ghwa Akaaisilaeli!"

14 Yesu kakimmokola mwana kaputa, na kakihubhuka munng’ongo handa bhula Matyeko mughalongela.

15 "Nkotoke kuyoghopa, mabhandu bha ku Sayuni!

Mulole Mutwa ghwenu kanguhika,

kahubhuka mwana kaputa."

16 Kalongohi ahundwa bhake Yesu bhakimanya ng’obhe milando ayi, peni Yesu pakanyahulitwe kala, ndo bhakikulungwa kukita milando ayi yikityekwa kwakya ywombe, na kukita bhandu bhakintendela ywombe.

17 Lumati lwa bhandu luubheghite papamu na Yesu pala pakankemite Lasalo kuhuma mu lindogholo, na kunhyuha, bhakighendelela kualongela bhangi kila kyakakitendite Yesu. 18 Kya habhu lumati alwo lwa bhandu lukinkingama, kiyaha bhakiyihwa kukita Yesu kakighutenda nhabho aghwo. 19 Habhu Afalisayo bhakighombana bhombe kwa bhombe, "Mungubhona, kukita tunguhotola ng’obhe kutenda kilibhi kyohele kangi! Nnole, bhandu bhoha bhanguntuughila ywombe!"