6 Le no ba saŋ kune Ablaham a Ŋwa wu Nyo le lɛ,
"Wu gɛ̀ bɛɛŋ Nyo le,
Nyo mo wu jo wu lɛ wu le muh wù chaaŋ."
7 Bɛŋ yɛŋ la lɛ le bamii ba leesɛ fitele yi Nyo le, le bo ba le kfuu chi Ablaham kibɛɛ. 8 Ŋwa wu Nyo gɛ̀ yu wa wu dunyɛ baaŋ lo lɛ Nyo lé wu gê wu jô bamii ba le gɛ Bajuu gɛ bo nyûme jialɛ sɛŋ a wu jii nje fitele fì bo le bo leesɛ yi ye ye le. Ŋwa wu Nyo mo wu fejɛ saaka wù joŋe wunɛ Ablaham le baaŋ lo wu duu lɛ,
"Nyo lé wu gê wu nôŋ kimbonɛ yi bituŋ le bichii bi yi kikwɛɛ ki nshɛŋ le nje wo."
9 Noo, fi mo fi nyu lɛ bamii ba leesɛ fitele yi Nyo le, Nyo lé wu nôŋ kimbonɛ yi bo le no wu gɛ̀ noŋ tɛ kimbonɛ yi Ablaham wù gɛ̀ leesɛ fitele yi ye ye le.