34 Mɛɛle biih nchɛndaa wu Nyo le lɛ, "Finɛ lé fi fê nɛɛ, mbaaŋ mwa wuchile." 35 Nchɛndaa wu Nyo chvuu wu le lɛ, "Kiyo ki Yuude lé ki tô yi ye yo le, bvuŋga bvu Nyo wu le Kikwɛɛ ki Mwɛɛ Munchii ki ge ki yisɛ yi ye yo le. Noo, mwa wu wo lé wo gê wo bôo le wu yuude, ba mo ba tɛŋe wu lɛ Mwa Nyo. 36 Bîjɛ wo yɛ̂ŋ, mwa bwee chijo wù Alisabɛ wu le wu nyuufɛ wa wu juŋ ba chi tɛŋe wu lɛ kaa, wu le mɛɛse bɛ fwe kii bvusoo, wu lé wu bôo mwa wù jwɛŋsɛ. 37 Gɛ fiɛɛ nyu yu fì taŋlo fi ya Nyo gɛ." 38 Mɛɛle mo wu jɛmɛ lɛ, "Nɛ mɛ wunɛ fɛnɛ wu le mwa lɛme wu Nyo. Wu gê, fi kôoshɛ bɛ mɛ no wo jɛme." No wu jɛme noo, nchɛndaa wu Nyo mo wu ja.