Fiɛɛ fì muh ŋgoo wu Jiso yûge njoŋ yi fi le
17 Bamii ba mbaŋbvusooshwi ncho bafɛɛ baa jiɛnyɛ bo tu jiŋ bo yuge njoŋ, bo mo bo duu Jiso le lɛ, "Tada, bee chi tɛŋe jee chuŋ, mo banchɛndaa ba debele, bo yuge bee le."
18 Jiso chvuu bo le lɛ, "Nchi n’yɛŋ debele gwe njɛ jaŋ fɛ yi lalɛ we yi lee fɛkuu 19 Nle nya wa bvuŋga bɛŋ le bvù taŋlo bɛŋ jiɛnyi yó bɛ baŋgaŋ yu. Mo ŋka nya bɛŋ bvuŋga bvù bɛŋ yage bvuŋga bvu debele wu muh wu kimbanɛ yu bvuchii. Gɛ taŋlo fiɛɛ shiŋshɛ bɛŋ gɛ. 20 Geenɛ, keefɛ bɛŋ yûge njoŋ lɛ banchɛndaa ba debele yuge bɛŋ le gɛ. Bɛŋ yûge njoŋ nyu lɛ ajee a wene le ba saŋ wa a Ŋwa wu Nyo le fɛwe."
Jiso yu njoŋ
(Macho 11:25-27; 13:16-17)