Maliku 3

Bwe Jiso bɛ booŋ ba bwee Jiso

31 Bwe Jiso bɛ booŋ ba bwee Jiso mo bo fɛsɛ, bo lɛɛŋ akfuuŋ, bo tuŋ muh lɛ wu tɛɛŋ wu. 32 Gɛ̀ bee kinchvu ki bamii shii ki tuŋ kigaŋ bo taashɛ. Bo jɛmɛ wu le lɛ, "Bwoo bɛ booŋ ba bwoo goone wo akfuuŋ." 33 Jiso biih lɛ, "Bwaaŋ bɛ booŋ ba bwɛɛŋ le baaŋ?" 34 No wu bile noo wu mo wu jiŋɛ bamii ba gɛ̀ shilɛ bo tuŋ kigaŋ baa, wu jɛmɛ lɛ, "Bwaaŋ bɛ booŋ ba bwɛɛŋ le banɛ. 35 Muh wuchii wù gee fiɛɛ fì Nyo goone, le wu wu le mwa bwɛɛŋ bɛ jɛme yaŋ mo bwɛɛŋ."