Macho 22

17 Gɛh sɛɛŋ bee wo ŋkwajɛ. Nchi le wu bɛɛŋ lɛ bee lâaŋe ŋwa Kaisa Nfoŋ wu Lum le, noo keefɛ bee lâaŋe gɛ le?"

18 Jiso kɛɛ fiɛɛ fì bo wɛɛne bɛ fi, wu mo wu jɛmɛ bo le lɛ, "Bɛŋ bamii ba jɛme yeye, bɛŋ gee yeye banɛ, bɛŋ tele mɛ nje la? 19 Bɛŋ to bɛ bige bì bɛŋ to bɛŋ laaŋe ŋwa yu n’yɛŋ." Bo to bɛ danale bo nya wu le. 20 Jiso biih bo le lɛ, "Kikwɛɛ kinɛ kì le yu le ki yɛɛŋ? Jee chinɛ chì le yu le chi yɛɛŋ?" 21 Bo chvuu lɛ, "Le ki Kaisa lɛ, jee le tɛ che." Wu mo wu jɛmɛ bo le lɛ, "Bɛŋ nyâa Kaisa le fiɛɛ fì le fi Kaisa, bɛŋ nyâa Nyo le fì le fi Nyo."