Nyuusɛ nyume fɛ Nyo le
33 Oo, bɛŋ jiŋɛ bɛŋ yɛŋ, bvukugɛ bvù le bvu Nyo, le lo bvù baaŋ, bvufee bwe le tɛ bvù baaŋ, mwɛɛ mù wu kee le wu kee tɛ baaŋ! Gɛ taŋlo muh kɛ̂ɛ je yì wu seese mwɛɛ yu gɛ. Gɛ taŋlo muh kɛɛ je yì wu gee mwɛɛ mwe yu gɛ. 34 Finɛ le no ba saŋ a Ŋwa wu Nyo le lɛ,
"Le yɛɛŋ wuyu wù kee ŋkwajɛ wu Tada?
Kɛnɛ le yɛɛŋ wù taŋlo wu têfɛ wu?
35 Le yɛɛŋ wuyu wù gɛ̀ nya wa Nyo bɛ fiɛɛ,
wu lɛ Nyo kâasɛ wu chvûu wu le?"
36 Mwɛɛ munchii ja fɛ wu le. Mwɛɛ munchii fede chiaaŋ ye le, mwɛɛ munchii le nje wu. Mbɛɛŋsɛ nyûme fɛ wu le segechii wu kage gɛ. Fi nyûme noo.