6 Kwa chilongu achi musekileli, kwa chipindi chidokwa damudayiliwi kung’ong’oleka kwanongwa ya nyeshiwu sha ndambu sitangalili simugobuleka. 7 Kuyeshiwa kwilata kulangusha unakaka wa ujumilwa wenu wuva nakaka, weni wutawuka pitu chumang’andu yeni yikuwola yikuyeshiwa kwa motu. Kwanongwa ayi yumwi damupati jumu na ukomi na ndundamilu mulijuva lila Yesu Kilistu pagubutuliwa. 8 Yumwi mukumtama hata leki mukali hela kumuwona, hata leki mukumuwona ng’odu ponopa, mukumjumila na chamunu mukusekilela kwa seku ngomi yingajila chigelu, yingajila kudeteka. 9 Kwa nongwa mukuyanga ulowolu wa fuki shenu weni ndi natilu ya ujumilwa wenu.