9 Yesu kawuka pala, paghaveyi akuyenda, amuwonili mundu yumu yakemiwa Mateyi, ayikalili pachichuku chaki cha kusumula mbiya. Topi Yesu kamuwombela, "Ungovikeli."
Mateyi katandamuka, kamukovekela.
10 Yesu paghaveyi pakaya pa Mateyi paghalya filivi, vala vandu vasumula mbiya vatangalili na vandu vaveli na sambi vayisili vayikala pamu na vanachuli vaki. 11 Mafwalisayu vamu pavavawonili, vavadashili vanachuli vaki, "Mbona muwula wenu akulya pamu na vala vasumula mbiya na vaveli na sambi?"
12 Yesu kavapikana, kavayangula, "Vandu vaveli vanofu vakumdayila mwilwana ha, yivamdayila mwilwana vala vavelili vatami. 13 Topi, mukayiwuli nongwa ya mayandiku yivawombili Chapanga, ‘Ngudaya lusungu hela, litambiku lya vang’ongolu ha.’ Nenga nyisa ha kuvakema yivayihola vanofu, ila yivaveli na sambi."
Ndambu ya kwikaja kulya
Maliku 2:18-22, Lukasi 5:33-39