8 Topi, nguvawombela Kilistu ndi mtangi wa Vayawudi ili alangushi unakaka wa Chapanga na jangi ya Chapanga yavajangili vambuyi vetu fivi, 9 ili na vangutungu va Vayawudi vamujumi Chapanga kwanongwa ya lusungu lwaki. Kucha wuvadeta Mayandiku Vang’alili,
"Ponopa dandikujumi yuwi gati ya vandu va milima.
Dandisisomoli jumu sha litawa lyaku." 10 Kandi Mayandiku vakudeta,
"Musekileli yumwi vangutungu va Vayawudi,
musekileli pamu na vandu vaki."
11 Kandi,
yumwi vangutungu vosi va Vayawudi "Mumjumi Bambu,
na vandu vosi mumujumi mweni."
12 Kandi mbuyi wa Chapanga Isaya adetili,
"Dawoneki lindombwana mulukolu lwa Yesi,
na mweni davatavali vangutungu va Vayawudi vosi
na davamushuvilili."
13 Topi, Chapanga yavelili chiganu cha dumbilu, ili avamemeshi cheleli yosi na kusika kufumila na ujumilwa wenu, ili shuvililu yenu yiyongisheki kwa liwovi lya Mfuki Mng’alili.