18 Yano yose yadamanywa ni Mnungu, yehe awavuzile kwakwe want’hu wavu, kwombokela Yesu Kilisito, niyo akink’ha suwe ndima yo kuwavuza watuhu nawo kwakwe. 19 Ulosi wetu ni uno, Mnungu andaga akawatenda want’hu wose kunda wambuyaze kombokela kwa Yesu Kilisito. Mnungu haukaule wavu wawe, naho kakink’ha ulosi wa kuwatenda want’hu wande wambuyaze.
20 Suwe kiwalotezi wa Kilisito, enga naho Mnungu mwenye akulonga na nyuwe. Kwa zina dya Kilisito chawalombezani mtendigwe kunda wambuya wa Mnungu.
/images/a/WG5FS9VaSWVnVmV3VI8yP)
/images/a/a0208299-6f37-40a0-66e1-2576b9435f00)