Hebreus 12

Mnungu Tate yetu

1 Kwaviya suwe naswe kizungulukwa ni fyo dya waona, kiike hale nt’wika zose no wavu ukukinamatila kwa uhufu, kiguluke kikafinyiliza mwe zinguluko zia kiikilwe kulongole. 2 Kimkauleni Yesu uyo akikongele no kuukint’hiza mhuwi wetu, yehe kwa kinyemi nakafinyiliza msalaba no kuzibela zisoni zakwe, yehe kekala mwe difumbi kulume kwa Mnungu.

3 Mfanyanyeni yudya afinyilize wiihi adamanyilwe ni wata wavu vileke mse kusokela no kwingila chevu.