Marcos 3

22 Wahinizi watuhu we Sigilizi za Musa wezile kulawa Yelusalemu niyo wagamba, "Ana Belizebuli, awalava want’hu mp’hepo kwa udahi wa mkulu wa mp’hepo."

23 Yesu niyo awetanga, akawagambila kwa mliganyizo, "Ivi Mwavu adaha kumgulusa Mwavu miyawe? 24 Uneva useuta unaketoa nk’hondo woho wenye, useuta uwo haukudaha kukimala. 25 Uneva nyumba inaketoa nk’hondo yoho yenye, inyumba iyo haikudaha kukimala. 26 Ivo uneva useuta wa Mwavu unaketoa nk’hondo woho wenye, niyo wagwa na haukudaha kugendeela.

27 "Mnt’hu hakudaha kwingila mwe nyumba ya mta udahi na kuvitaha vint’hu vakwe hanandile kumkakiliza yudya mta udahi. Aho niho naadahe kuitaha inyumba vakwe.

28 "Nawagambilani kindedi, want’hu wadaha kuusilwa wavu wao wose hamwenga na kulonga vihile. 29 Mna mnt’hu akuunga amhomole Muye ywa Mnungu, hakudaha kuusilwa wavu wakwe, kwaviya katenda wavu wa ulo na ulo."

30 Yesu nivo alongile kwaviya wan’thu watuhu nawagamba, "Ana mp’hepo."