7 Niyo awetanga wadya wanamp’hina mlongo na waidi, awasigila waidiidi. Niyo awenk’ha udahi mwe mp’hepo.
12 Niyo waita na wakawabilikiza want’hu waleke uwavu wawe. 13 Niyo wawalava want’hu mp’hepo nyingi, naho niyo wawahaka mavuta wanyonge wengi na kuwahonya.
File ya Yohana Mbatizi
Matayo 14:1-12; Luka 9:7-9
29 Wanamp’hina wakwe Yohana weze weve, niyo wagenda kuguha ikimba chakwe Yohana niyo akimosela msanga.
Yesu awenk’ha nk’hande want’hu wajink’hile magana milongo mishano
Matayo 14:13-21; Luka 9:10-17; Yohana 6:1-14
30 Wegala ulosi niyo wadugana kwa Yesu na kumgambila yadya yose wadamanye na kuhiniza. 31 Yesu niyo awagamba, "Kiteni hant’hu haheina want’hu vileke muhumule ludodo." Yesu nakalonga ivo kwaviya na handa na want’hu wengi, watuhu weza, watuhu wauya vilekile Yesu na wanamp’hina wakwe waswese luneka lwa kudya. 32 Woho wenye niyo wakwela mwe ngalawa na kuita hant’hu haheina want’hu.
33 Umwo wandile wakaita, niyo want’hu wengi wawaona no kuwamanya. Niyo waguluka kulawa mizi yose, naho niyo wakonga woho kubula. 34 Yesu eze asele mwe ngalawa, niyo aona want’hu wabindile ingi. Yesu niyo awaonela mbazi kwaviya na wanda enga ngoto heziina mdimi. Niyo akonga kuwahiniza mbuli nyingi.