Apocalipse 21

Te lani hoou ma te kerekere hoou

1 Ki oti raa nau ku kite te lani hoou ma te kerekere hoou. Te lani mua ma te kerekere mua raa ku seai, aa te moana raa hoki ku seai.✝21.1 Is 65.17; 66.22; 2 Pet 3.13 2 Teenaa ki kite nau te henua e tapu TeAtua, te Jerusalem hoou, e tukua iho i TeAtua i te lani, e mee ma se taupu e hai laakei ki haka aavanatia.✝21.2 Is 52.1; 61.10; Rev 3.12 3 Araa nau ku lono i te reo e taratara mai vaaruna i te kina te nohorana hakamaatua TeAtua peelaa, "Teenei TeAtua ku noho ma naa tama te maarama nei. A Ia ma ki noho ma laatou, aa laatou ku mee ma ni tama TeAtua. Teenaa TeAtua tana tino ma ki noho ma laatou aa ku mee ma se Atua laatou.✝21.3 Ezek 37.27; Lev 26.11,12 4 A Ia ma ki soroia a Ia naa reimata e ffuro mai i naa karamata laatou. Naa tama naa ma ki see lavaa hakaoti te mmate aa laatou ma ki see lavaa hakaoti te ppari. Laatou ma ki see ttani hoki ka hakallono isu, i te tiputipu imua raa ku seai."✝21.4 Is 25.8; 35.10; 65.19

5 Ki oti raa te tama e noho i aruna te nohorana maatua raa ku taratara peelaa, "Teenei nau ku pena naa mee hakkaatoa ki hoou." A Ia ki taratara hoki peelaa, "Sissia naa taratara nei ki too laupepa, i teenei ni taratara maaoni aa kootou e tau te tauhia kootou naa taratara nei".