1 केदी मी माणहान एने हेरोगदुतान बोल बोलुह एने मोंग नाय केरू, ते मी ठेन ठेन केरनार पितलीन गेन्टी एने जेन जेन केरनार जांजऱ्यो हे। 2 ✝13:2 मत्ती 17:20; 21:21; मरकुस 11:23एने माहु केदी बोगवानान उखीर रेन आवणेवालो खोबरीन वरदान जुड़ेल एय, एने सोब मालमात केरनेन बुद्दी जुड़ेल हे, एने माहु न्या वोर पुरो बुरहो एय काय मी बोयड़ाह सिटो केर देव, पुण मोंग नाय केरू ते मी काईस नाह सुतो। 3 *13:3 हेलगाड़नेन केरता; थोड़ाक लेख माय बोड़ाय मारने वाला हे। केदी मी मारो आखो मालदेन गेरब्याह वाट देव, एने मारो सेरीर हेलगाड़नेन केरता आप देव, एने मोंग नाय केरू, ते माहु काईस फायदो नाह सुतो।

4 मोंग दिर देरनार हे, एने किववालो हे, मोंग विरोद नाह केरने मोंग सोतान बोड़ाय नाह केरने एने फुलने नाह, 5 तो बिगेर रितीस नाह चालने, एने सोतान हाजो नाह होदणे, तो किचवाणे नाह एने दिहरान खाराब वातुन ईसाब नाह मेलने। 6 मोंग अन्याय ने कामाह देखीन खुस नाह एणे, पुण खेरायीह देखीन खुस एणे। 7 तो सोब वातुह वेठ लेणे, एने सोब वातु पोर बुरहो केरने, एने सोब वातुन आसा केरने, एने सोब वातु माय दिर मेलने।

8 मोंग केदी टेलने नाह बोगवाना फाय रेन आयेल खुबेर ते खेतेम एय जाय, एने एंजाणल्ली बाषा ते निवरी जाती, एने इकेल एय ते मिट जाय। 9 काहाकाय आमरी इकेल आरदे हे, एने आमरी बोगवाना फाय रेन आयेल जाणाव आरदीच हे; 10 पुण जेवी बोगवान आखो काय पुरो केरी, तेवी आरदो रेय तो मिट जाय। 11 जेवी मी सोरोस ईतो तेवी मी सोरान गेत बोलतालो एने सोरान गेत मोन एतो, एने सोरान गेत सोमेज एती, पुण जेवी सोमेजदार बोण गीयो, तेवी बचपणान वातु सोड़ दिनो। 12 एवी आपुह आरसा माय दुंदवाल्लोह देखाह, पुण तुलबूखे आमने सामने देखती उलबुखे मारो ईकेल आरदो हे, पुण मी तुलबूखे हास केरीन ओलखाय जाह, जिहकेरीन बोगवान उलखेल हे। 13 पुण एवी बुरहो, आसा, मोंग, ज्या तीनु जागावाला हेतेस, पुण न्या आखा माय रेन मुठो मोंग हे।