1 Coríntios 7

वाराड़ान सोमंदान सावाल

1 ती वातुन बारामाय जी तुमू लिखेल हेते, काय एदम्याह वाराड़ नाह केरनु हाजो हे।*7:1 जो एदमी वाराड़ नाह किरेत तो हाजो किरेह; नाहते तुमू केतेह काय जो एदमी वाराड़ नाह किरेत तो हाजो किरेह। 2 काहाकाय जुलूम सिनालो एणे बाजरिनोह, केरीन एकेक एदम्याह सोतान बायकु रेणे जुवे, एने एकेक बायकुन बी सोतान एदमी रेणे जुवे। 3 एदमी तान बायकुन मोरजी पुरी केरने जुवे, एने तिहेच बायकु बी तीन एदम्यान मोरजी पुरी केरने जुवे। 4 बायकुह तीन सेरीर पोर आदिकार नाह सोतो पुण तीन एदम्यान आदिकार हे, तिहेस एदम्यान बी तान सेरीर पोर आदिकार नाह सोतो, पुण बायकुन हे। 5 तुमू एका दिहराह ज्या आदिकार माय रेन बुलवाड़ो मा, पुण सोतान सेंगेतीह रेन थोड़ीक वार ने केरता आंगेच रिवो काय विन्तान केरता टेम जुड़ी, एने पोशा एकठा एय जावो नाहते, ओहलो नाय एय काय तुमरे दिर ने कारेण सैतान तुमूह पारखी।