1 Timóteo 2

विन्तान बाबतीम सुचना

1 एवी मी आखान पेल ज्यी खास वात केथु काय आखा माणहान केरता विन्ता, एने विन्ता, एने निवेदन एने दन्यवाद केराय जाय। 2 खास केरीन राजा एने उचा पोदवालान केरता, काहाकाय आपु हुकेह एने सान्ती माय एने बोगवानाह मान मेलतेन चोखाली जीवाय जीवे। 3 ज्यो हाजो हे, काहाकाय आपणो सुटकारो आपणार बोगवानाह स्वीकारनेन लायकीन हे। 4 तान ओहली मोरजी हे काय आखा माणहान सुटकारो एय, एने ता खेरायीह हास केरीन जाण लेय। 5 काहाकाय एकुच बोगवान हे, बोगवान एने माणहान विचीम एकुच वातार हे मसी यीशु जो माणुह हे। 6 जो आखान सुटकारान केरता सोताह किमोत ने रूप माय आप दिनो, एने तान गोवाय ठिक टेम पोर आपानी। 7 ✝2:7 2 तीमुथीयुस 1:11मी खेरी केथु, जुठ नाह बुलीत, काय मी ज्यास उद्देश माय पारचार केरनार एने प्रेरित एने बिगेर यहुदिन केरता बोरहान एने खेरायीह हिकाड़नार ठेराय गीयो।

8 मोंडली माय मी होदथु काय माणहे बोगवानाह होपाय एने बिगेर राग केरीन आपणा आथाह उचा केरीन विन्ता केरी। 9 ✝2:9 1 पतरस 3:3मी ज्यो बी होदथु काय बायकु बी त्युन फाड़काह होबाता हेऱ्यो पेरी नाह काय आपणा लेट्याह गुथणे, एने होनो चांदीन गेयणो पेरनेन उगे द्यान नाय देय। 10 पुण हाजा कामा केरीन होबाड़े, काहाकाय बोगवानान बोक्ती केरनार्‍यु बायकुन केरता ज्यो हाजो हे। 11 बायकुह ठावकी रेन पुरा ताबा माय रेन हिकणे जुवे। 12 मी परवांगी नाह आपेत काय बायकु हिकाड़े एने एदम्या पोर आदिकार चालाड़ी, पुण ठावकीच रेय। 13 काहाकाय आदम पेल बोणेल हे, तान पासाण हवाह बाणायेल। 14 एने आदम फासायेल नाह, पुण बायकु फासानी एने बोगवानान नेमाह तोड़ देनी। 15 *2:15 सोराह पायदा केरीन सुटकारो सापड़ावी; नाहते पायदा केरनेन द्‍वारे होमालीन मेलाय जाय।तीबी बायकुह सोरा जेणनेन द्‍वारे सुटकारो जुड़ी, केदी ती होबाता हेऱ्यो बुरहो, मोंग, एने चोखाला माय मोजबुत रेय ताहार।