2 पतरस 2

जुठा हिकाड़नारे

1 जिहकेरीन पेल्ला कालाम माणहान विची माय जुठा जाणकार आयेल एता, तिहेच केरीन तुमरे माय बी जुठा हिकाड़नारे आवती। एने ता बोटेकणार जुठ्यु वातुह लावती, एने ता मालीकाह जो ताह सोड़ेव लियेल इतो, एने इहकेरीन ता उतवाल्याह तान नासाह नेवता आपती। 2 तीबी जुलूम होवटा माणहे तान गेत लुच्‍चाय केरतीन तान वाटी पोर चालती, काहाकाय जो ता केरतेह तान वोजेसे दिहरा माणहे खाराब वातुह खेरायीन बोदले केती। 3 ता लोबा माय आवीन ज्युठ्यु वातु बाणावती। एने तुमरे फाय रेन गेलेत फायदो विसती, डेंड ने उकुम ते ता पोर पेलुस रेन एय जायेल हे, एने तान खेतेम एणे जोरेवरी हे।