1 ✝ *एय सोरा, मालीक यीशु माय तुमरा आईख आबाख ने वात मानो, काहाकाय ज्यो हाजो हे। 2 "तुमरा आईख आबाख ने मान सम्मान किरो," ज्यो पेल्लो उकुम हे जा हेऱ्यो वायदो बी हे: 3 "एने तुमरो बोलो एय एने तुमू देरती पोर जुलूम दिह वोर जीवताला रिहो।"

4 ✝एय आहख आबहेख, तुमू सोराह राग मा लागाड़ो। पुण मालीक यीशुन हिकवोण एने चेतावणी आपतेन तान पालेन पोषण किरो।

5 ✝जा पावोर हेते, ता दुनियान मालीकान उकुम मोनान खेराय माय एने कापतेन मानो; जिहकेरीन मसीन सेवा केरतेह। 6 माणहाह खुस केरनारान गेत देखाड़नेन केरता सेवा मा किरो, पुण मसीन पावोरान गेत मोन से बोगवानान मोरजी पोर चालो। 7 एने ज्यी सेवा माणहान नाह, पुण मालीकान जाणीन पुरा मोना केरीन किरो। 8 एकेक माणुह जो काय हाजो काम किरेह, तो पावोर एने आजाद एय, मालीक फाय रेन ताह फोल जुड़ी।

9 ✝एय मालीक तुमू, तुमरा पावराह दोमकी मा दिहो। एने ता हेऱ्या हाजो वेवारो किरो, ज्यो जाणीन काय तुमरो मालीक बोगवान हेरगा माय हे एने तो कुणीन बी बेदबाव नाह केरने।

10 ज्यानकेरता, मालीक माय एक एन मोटली ताकेत माय मोजबुत बुणो। 11 बोगवानान आखा आथ्‍याराह बांद लिवो, काय तुमू सैतानान योजनान सामने उबरेय सिकहो। 12 काहाकाय आपणी लेड़ाय लुय एने माहा हेऱ्यो नाह सोती, पुण हेरगान मुखी हेऱ्यी एने आदिकारी हेऱ्यी एने ज्यी दुनियान आंदारान ताकेत हेऱ्यी, एने ता खाराबान आत्मिक सेना हेऱ्यी हे, जा जुगाम हेते। 13 तानकेरता बोगवानान आखा आथ्‍यार बांद लिवो! काय तुमू केठीण दिह्यान सामनो केर सीको, एने आखो काय पुरो केरीन मोजबुत रेय सिकहो। रोमी सिपाय

14 तानकेरता खेरायीन पोट्टा केरीन तुमरी कोमेर बांद लिवो, एने देरमान कवच पेरीन, 15 एने पाया माय सान्तीन हाजाली खुबेर ने तियारीन खाहड़ा पेरीन। 16 एने ज्या हेऱ्यो बोरहान ढाल लेन मोजबुत रिवो; जाकेरीन तुमू ता खाराबान हेलेगताला बेलखाह ओलाड़ सीको। 17 एने सुटकारान टुपो, एने जीवान तालवार जो बोगवानान वचन हे, लेय लिवो। 18 एकेक टेम माय आखी बातीन जीवा माय विन्ता, एने विन्ता किरते रिवो, एने ज्यानकेरता जागते रिवो काय आखा चोखाला माणहान केरता कायेम विन्ता केऱ्या किरो। 19 एने मार केरता बी विन्ता किरो काय जेवी मी वचन केणेन केरता मुय खोलुह, तेवी माहु ईमोत हेऱ्यो हाजाली खोबरीन मालमात केय सेकु। 20 ज्यानकेरता मी बेड्या एने हाकुल केरीन बांदायेल वकील हे, एने विन्ता किरो काय माहु जिहकेरीन ईमोत हेऱ्यो हाजाली खुबेर केणे जुवे, मी बोल सेकु।

21 ✝ ✝तुखीकुस, जो मारो मोंगाल्लो बाहख एने मालीक माय विश्वासयोग्य पावोर हे, तुमूह आखी वातु केय काय तुमू बी मार बाराम जाणो काय मी किहीक रेथु। 22 ताह मी ज्यानकेरता तुमू फाय मोकलेल काय तुमू आमरी खुसीह जाणे, एने तो तुमरा मोनाह उत्साहित केरी।

23 आबोख बोगवान एने मालीक यीशु मसीन उगे रेन आखा बायाख सान्ती एने बोरहा हेऱ्यो मोंग जुड़ी। 24 जा आमरा मालीक यीशु मसीह अमर मोंग केरतेह, ता आखा पोर बोगवानान गीण एती रेय।