3 पुण तान द्वारे एकेक वोरीह पापान एर केऱ्या केरनो। 4 काहाकाय ज्यो नाह एण्यो हे काय बोयलान एने बोकड्यान लुय पापाह सेटो केरी।
5 तानकेरीन मसी दुनिया माय आवणे बुखेत किथे:
"बोली एने बेट तु नाह हुदेत,
पुण मार केरता एक सेरीर तियार किरेल।
6 होम बोली एने पाप बोली केरीन तु खुस नाह ईनो।
7 तेवी मी कियेल, ‘जिहकेरीन पुस्तेक माय लिखेल हे, देख, मी न्या हे,’
एय मारा बोगवान, मी तारी मोरजी पुरी केरने आयेल हे।"
8 उपेर ते तु किथे, "नाह तु बोली एने बेट एने होम बोल्यीह एने पाप बोल्यीह हुद्यो, एने नाह ताकेरीन खुस ईनो," ज्यी बोल्यी ते कायदा माय चेड़ावणो। 9 पुशो ज्य बी किथे, "हुमेल, मी आव लागेल हे काय तारी आसा पुरी केरू," तु पेल्लाह उठाड़ दिथे काय दिहराह बोणावी। 10 तीस आसा माय आपु यीशु मसीन सेरीरान एकुस वार बोली चेड़नेन द्वारे चोखा एय जायेल हेते।