इब्रानियो 12

5 एने तुमू ती हिकेह, जी तुमूह बेटाख ने गेत जुड़ेह, विहरी जायेल हेते:

"एय मार सोरा, मालीकान सिक्शाह उदेड़ वात मा सोमजे,

एने जेवी तो तुवाह गुड़के ते ईमोत मा सोड़हे।

6 काहाकाय मालीक जाह मोंग केरने, ताह सिक्शा बी आपणे,

एने जाह बिटोख बोणाव लेणे, ताह चापका केरीन बी देणे।"

7 तुमू दुखाह सिक्शा सोमजीन विठ लिवो; बोगवान तुमूह बेटाख सोमजीन तुमू हिऱ्यो व्यवहार केरने। तो काल्लो बिटोख हे जाह आबोख सिक्शा नाह आपणे? 8 केदी ती सिक्शा जान हाती आखा एतेह, तुमूह सिक्शा नाह जुड़नी, ते तुमू सोरा नाह, पुण सिनालान सोरा ठेराय। 9 पोशो जेवी आपणो सारिरीक आबोख बी आपुह सिक्शा आपताला एने आपु तान आदर केऱ्या, ते काय जीवान आबाख ने उंजु बी ताबाम नाय रिज्यो जाकेरीन आपु जीवताला रेहु। 10 ता ते आपणा आपणा सोमेज ने गेत थोड़ास दिह्यान केरीन सिक्शा आपताला, पुण तो ते आपणा फायदान केरता हे, आपु बी तान चोखालान हाती बोण जाहु। 11 चालुकाला माय बात बातीन सिक्शा खुसीन नाह सोती, पुण दुखास ने देखाथी; तीबी ताह वेठते वेठतेन पाका एय जायेल हेते, ओवतो ताह हुका हेऱ्यो देरमान फोल जुड़ेह।