João 12

जिकेल राज ने गेत यीशुन यरूशलेम माय रिगणो

12 दिहरे दिह तिवाराम आयेल जुलूम होवटा माणहे होमल्या काय यीशु यरूशलेम माय आवणे बाजरिनोह। 13 तानकेरता माणहे खजुरान डालखा लेन यीशुह मिलने चाल पोड़ना एने ता आयड़ीन केणे बाज गीया, "होसन्‍ना! बोरकेतवालो हे इस्राएल ने राजा, जो मालक्यान नाव से आवेह!"✝12:13 बजन 118:25,26

14 जेवी यीशुह एक गेदड़ान पिलो जुड़नो तेवी यीशु ता पोर बोह गीयो, जिहकेरीन पुस्तेक माय लिखेल हे,

15 "एय सियोन ने बेटी, मा बिय!✝12:15 जकर्‍या 9:9

देख, तार राजा गेदड़ान पिला पोर बोहीन,

तार फाय आवणे बाजरिनोह।"

16 यीशुन चेला पेल ज्यी वातीह नाह सुमजेल एता, पुण जेवी यीशुन बोड़ाय एनी ते ताह एर आवी काय ज्यी वात ज्यास ने बाराम लेख मीलेल एती, एने माणहे बी ता हेऱ्या ओहलोच वेवार किरेल एता।

17 यीशु हेऱ्या एता ता माणहे इहकेरीन गोवाय देना, तो लाजराह माहणाम रेन हादिन मुरेल माय रेन जीवतो किरेल ईतो। 18 ज्यास ने वोजेसे माणहे यीशुह मिलने आयेल एता, काहाकाय ता हुमलेल एता काय यीशु ज्यो चोमेत्कार देखाड़ेल हे। 19 तेवी फरिसी एका दिहराह केणे बाज गीया, "तुमू नाह सोमज्या काय जो बी तुमू केरने बाजरेनाह, तो काय कामान नाह सोतो! दिखो, आखी दुनिया तान पासाण जात रेनीह!"