20 मी न्यान केरता ओलोच विन्ता नाह किरेत, पुण ता माणहान केरता बी जा न्यान वचना पोर रेन मार पोर बुरहो केरतेह ता आखान केरता मी विन्ता केरथु। 21 काहाकाय ता आखा एक एणे जुवे। एय आबा मी इहकेरीन विन्ता केरथु काय जिहकेरीन तु मार माय, एने मी तार माय हे, तिहेच केरीन ता बी आपणेम एक एणे जुवे, ता पोर रेन दुनियान माणहे बुरहो केरी काय तुस माहु मोकलेल हे। 22 जी बोड़ाय तु माहु आपेल हे, ती मी ताह आपेल हे, काहाकाय ता बी आपणे गेत एक एय जाती। 23 मी ता माय एने तु मार माय, काय ता माहु माय पुरी रिती से एक एय जाय, एने दुनिया जाणे काय माहु तुस मुकलेल हे, एने जिहकेरीन तु माहु मोंग किरेल हे तिहेच केरीन ताह बी मोंग किर।