योहान 5

21 जीहे आबोख मुरेल ताह उठाड़ीन जीवतालो किरेह, तिहेच बिटोख बी जाह जीवाड़ ने हुदेह ताह जीवाड़ेह। 22 आबोख कुणीन बी नियाव नाह केरने। पुण नियाव केरनेन सोब काम बेटाख आप दियेल हे, 23 ज्यानकेरता काय आखा माणहे जीहे आबाख ने मान मेलतेह, तिहेच केरीन बेटाख ने बी मान मेलतेह। जो बेटाख ने मान नाह मिलेत तो आबाख ने जो ताह मोकलेल हे तान मान नाह मिलेत।"

24 मी तुमूह खेरीच केथु, "जो मारो वचन होमलीन माहु मोकेलनारा पोर बुरहो किरेह: ताह जेलेमक्यो जीवाय जुड़ेह। एने ता पोर डेंडान उकुम नाह रेत, पुण तो मोतीह पार केरीन जीवणाम रिग जायेल हे। 25 मी तुमूह खेरीच केथु, मुरेल माणहाह बोगवानान बेटाख ने बोल होमेलनेन टेम आवी, एवी तो टेम आव लागेल हे एने जा तान बोल होमेलती, ता जीवताला एय जाती। 26 काहाकाय जिहकेरीन आबोख सोता माय जीवणान जिर हे, तिहेच केरीन तो बेटाख बी ज्यो आदिकार आपेल हे काय सोता माय जीवायीन जिर मेली। 27 एने तो माणहान बिटोख हे, केरीन नियाव केरनेन ताह आदिकार बी आपेल हे। 28 केरीन बोंगलाहो मा; काहाकाय टेम आवणे बाजरिनोह काय मुरेल बी तान बोल होमेलती 29 जा हाजा कामे किरेल हेते: ता जेलेमक्यो जीवाय ने केरता जीव उठती, एने जा खाराब कामे किरेल हेते ता डेंड बोगेतणेन केरता जीव उठती।"

यीशुन बाराम गोवाय

30 मी सोतान मोरजी माय काय नाह केर सिकेत; एने मी नियाव किरेत नाह, पुण बोगवान कियेल हे तिहे नियाव केरथु, एने मारो नियाव खेरलो हे, काहाकाय मी मारी मोरजी नाह पुण माहु मोकेलनारान मोरजी होदथु।

31 केदी मी सोतास मारीस गोवाय देह, ताहार मारी गोवाय खेरली नाय मिले।