53 यीशु ताह केयो, "मी तुमूह खेरीच केथु जाह वोर तुमू माणहान बेटाख ने सेरीर नाय खाहो, एने तान लुय नाय पिहो, ताहार तुमरे माय जीवाय नाह सोतो। 54 जो मारो सेरीर खातेह एने मारी लुय पिथे, जेलेमक्यो जीवाय तास ने हे एने सेवले दिह मी ताह जीवतो केरूह। 55 काहाकाय मारो सेरीर खेरलो खाणो हे; एने मारी लुय पिणेन खेरली चिज हे। 56 जो मारो सेरीर खातेह एने मारी लुय पिथे तो मार माय रीथे, एने मी ता माय रिथे। 57 जिहकेरीन जीवतालो आबोख माहु मुकलेल हे, एने मी आबाख ने वोजेसे जीवतालो हे। तिहेच केरीन जो बी माहु खाय तो मार वोजेसे जीवतालो रेय। 58 जो रूटो हेरगाम रेन उतरेल तो ज्योस हे, तुमरा बाप दादा मन्ना खाईल तीबी ता मोर गीया। तोहलो नाह, जो बी ज्या रोटाह खाय, तो जेलेम जीवतालो रेय।"