João 9

पायदास रेन आंदलाह यीशु देखतो केरनो

1 जाणे बुखेत यीशु एक माणहाह दिख्यो, जो जेल्माम रेच ने आंदलो एतो। 2 तेवी यीशुन चेला ताह फुशा, "एय गुरू, कुणीन पापान वोजेसे ज्यो ओहलो आंदलो पायदा ईयेल हे; ज्यान काय ज्यान आईख आबाख ने?"

3 यीशु ताह जापाप आप्यो, "नाह ते ज्यो पाप किरेल ईतो, नाह ज्यान आहख आबोख। पुण ज्यो ज्यानकेरता आंदलो पायदा ईयेल हे काय बोगवानान काम ता माय देखाय। 4 जो माहु मुकलेल हे, तान काम दिह हे ताह वोर आपुह केरने जोरेवरी हे; काहाकाय रात आवणी हे ती माय कुणीह बी काम केरता नाय आवी। 5 ✝9:5 मत्ती 5:14; योहान 8:12मी जाह वोर दुनियाम हे, ताह वोर मी दुनियान उजालो हे।"

6 इहकेरीन केयीन यीशु बुय पोर थुप्यो, एने थुपा केरीन माटड्यो बिजाड़ीन; एने तो माटड्यो ता आंदलान डोला पोर लागाड़ीन 7 ताह केयो, "जा, शिलोम मतलब मुकलेल। नावान कुंडाम दोव ले।" तो आंदलो जाईन दोव लेदो, एने देखतीन आवो।

8 तेवी तान आहने रेणारे, एने जा ताह पेल बिख मांगतालो दिखेल एता ता केया, "बोहीन बिख मांग्‍या केरतालो ज्यो तोस हे काय?"

9 थोड़ाक माणहे केया, "ज्यो तोस हे," पुण दिहरा केया, "नाह; ज्यो ते तान गेत देखाह।"

एने तो केयो, "मी तोस हे।"

10 तेवी ता ताह फुसणे बाज गीया, "तारा डोला किहीक उगड़ी गीया?"

11 तो जापाप आप्यो, "यीशु नावान एक माणुह माटड्यो बिजाड़ीन मारा डोला पोर लागाड़ेल," एने माहु केयो, "शिलोम नावान कुंडाम जाईन दोव ले। ते मी तान वात होमलीन जाईन दुयो, एने देखणे बाज गीयो।"

12 तेवी ता ताह फुशा, "तो का हे?"

तो जापाप आप्यो, "माहु नाह मालुम।"