टाकायेल मेंड्रान किस्सो
1 15:1 लुका 5:29,30 आखा फालो उकालनारे एने पापी यीशु फाय आया केरताला, काय ता यीशुन वातु होमली। 2 पुण फरिसी एने देरेमगुरू कुयराएन केया, "ज्यो ते पापी हिऱ्यो बेलाह एने ता हिऱ्यो खाते पिते।"
3 तेवी यीशु ताह ज्यो किस्सो केयो, 4 "तुमरे माय रेन कुण हे जान एक होव मेंड्रा एती, एने ताम रेन एक टाकाय जाय, ते नोवह्यान नोव मेंड्राह जेंगलाम सोड़ीन, ता टाकायेल मेंड्राह जाह वोर नाह सापड़ेत ताह वोर होदते नाय रेय? 5 एने जेवी ताह सापड़ी जाथे, तेवी तो जुलूम खुसी एन ताह खादा पोर उखली लिथे; 6 एने गेर आवीन हातीह एने तान आहने रेणाराह टुलो केरीन किथे, ‘मार हेऱ्या मोंज किरो, काहाकाय मारो टाकायेल मेंड्रो सापड़ी जायेल हे।’ 7 मी तुमूह केथु इहीचकेरीन पाप सोड़नार पापी माणहान बाराम बी हेरगा माय ओलीच खुसी एय, जोलीक नवह्यान्नव देरमीन बाराम नाह जा पाप केरने सोड़ दियेल हेते, जाह मोन बोदेलनेन गिरेज नाय मीले।