लुका 2

मोंदिर माय यीशुन बेट

22 जेवी मुसान नेमान गेत मरीयम एने युसूफान चोखो एणेन दिह पुरा एना। तेवी ता यीशुह यरूशलेम माय ली गीया काय बोगवानान हुम्बो लावी, 23 जीह केरीन बोगवानान कायदा माय लिखेल हे, "जोला बी पेल पायदा ईयेल ता बोगवानान केरता चोखाला ठेराती।" 24 एने बोगवानान कायदान वचनान गेत, ओलीन एक जोड़पो, नाहते पेरवान दुय पिला लावीन बोली केरी।

25 यरूशलेम माय शिमीयोन नावान एक एदमी ईतो, एने तो एदमी देरमी एने बक्त ईतो; एने तो वाट जोवतालो काय बोगवान इस्राएलान माणहाह वोचाड़े, एने चोखालो जीव ता पोर ईतो। 26 एने चोखालो जीव ताह कियेल ईतो, काय जाह वोर तु मालीक ने मसी देख नाय लिहे, ताह वोर मोतीह नाय दिखहे। 27 एने शिमीयोनाह चोखालो जीव हिकाड़ेल केरीन मोंदिराम आवो, एने जेवी आहख आबोख ता सोरा यीशुह माय लावा काय तान केरता कायदान रितीन गेत केरी। 28 तेवी शिमीयोन ता सोराह खोलाम दिऱ्यो, एने बोगवानान उपकार मान्यो:

29 "एय मालीक, एवी तु, तारा पावराह तारा वायदान गेत,

तु माहु सान्ती माय मोरने दे।

30 काहाकाय मार डोला तारा सुटकाराह देख लेदाह।

31 जाह तु आखा देसान माणहान सोमोर तियार किरेल हे:

32 काय तो दिहरी जातीन माणहाह खेरायीह देखाड़ी,

एने तारा निवाड़ेल माणहे इस्राएलान बोड़ाय एय"

33 तान आहख ने आबोख ती वातु माय जी तान बाराम केवाताली ता बोंगलाय जाताला। 34 तेवी शिमीयोन ताह बोरकेत आपीन आईख मरयमीह केयो, होमेल ज्यो ते इस्राएल माय जुलूम माणहाह पोड़ने, एने उठणेन केरता, एने जुलूम माणहे बोगवानाह सोड़ देती। ज्यी एक निसाणी रेय जान माणहे विरोद केरती 35 तानकेरता जुलूम माणहान मोनान खाराब विचार सामने आवती, एने तारा मोना माय दुख बोराय जाय।

हन्नान गोवाय

36 * 2:36 एवी 84 वोरह्यान एती; नाहते 84 वोरह्यान रांडायेल एती। एने आशेर गेराणा माय रेन हन्ना नावान फनुएलान बेटीख एक जाणकारनी एती, ती जुलूम डायी एती, एने वाराड़ केरीन हात वोरह्या वोर तीन एदम्या हेऱ्यी रियेल एती।

37 एवी ती चोवरायसी वोरह्यान रांडायेल एती, एने मोंदिराह नाह सोड़ताली एने उपास एने विन्ता केरीन रात दिह बोक्ती केरताली। 38 एने ती तुलबूखे ताहरी आवीन बोगवानान बोड़ाय केरने बाज गियी, एने ता आखा माणहे जा यरूशलेमान सुटकारान वाट जोवताला, तान बाराम वातु केरने बाज गियी।