लुका 7

रांडायेल बायकुन सोराह यीशु जीवतालो केरने

11 * 7:11 जेल्दी; थोड़ाक लेख माय हेकालेन दिह लिखेल हे। दिहरे दिह यीशु नाईन नावान एक गावा माय गीयो, तेवी तान चेला एने जुलूम माणहे ता हेऱ्या जाणे बाजरियेल एता। 12 यीशु गावान हिली माय पोचनो, ते दिखो, माणहे एक मुरेल माणहाह गावान बाहेर बुजणे ली जाणे बाजरियेल एता, तो एक रांडायेल बायकुन एकुच मोंगाल्लो बिटोख ईतो, एने गावावाला जुलूम होवटा माणहे ता हेऱ्या जाणे बाजरियेल एता। 13 रांडायेल बायकुह देखीन यीशुह गीण आवी, तेवी मालीक तीह केयो, "मा रिड़े।" 14 तेवी यीशु खाटलान आहने आवीन खाटलाह आथल्यो, एने खाटलो उखेलनारे उबरी गीया, तेवी यीशु केयो, एय जुवान! मी तुवाह केथु, "उठ।" 15 इही केताच मुरेल सोरो उठीन बोह गीयो, एने बोलने बाज गीयो, तेवी यीशु ताह तान आईख होप दिनो।

16 तेवी आखा माणहे बिन बोंगलाय गीया, एने ता बोगवानान बोड़ाय केरीन केणे बाज गीया, "आमरी विची माय एक मोटलो जाणकार आमुह वोचाड़नेन केरता आवोह, एने बोगवान आपणा माणहा पोर गीण किरेल हे।"

17 एने यीशुन वात आखा यहुदिया देसाम एने आरे मीरेन आखा देसाम पोच गियी।