Marcos 11

हुकेल अंजीरान जाड़ा पोर रेन हिकवोण

20 उठ्यान वेगाच, जेवी ता ता रेन आवणे बाजरियेल एता, तेवी चेला अंजीरान जाड़ाह उपेर रेन ते मुलाम वोर हुकेल देख्या। 21 पतरसाह ती वात एर आवी, एने तो यीशुह केयो, "एय गुरू, देख! ज्यो अंजीरान जाड़ जाह तु हाराप दियेल ईतो, हुक जायेल हे!"

22 यीशु ताह जापाप आप्यो, "बोगवाना पोर बुरहो मीलो। 23 ✝11:23 मत्ती 17:20; 1 कुरिंथीयो 13:2मी तुमूह खेरीच केथु काय जो कुण बिगेर सेंका माय ज्या बोयड़ाह केय, तु उखील जा, एने देरीया माय जाय पोड़, पुण जो आपणा मोना माय बुरहो केरी एय जाय, ताहार तान केरता तो एय जाय। 24 केरीन मी तुमूह केथु, ‘जेवी तुमू विन्ता केरतेह एने काह मांगतेह, बुरहो किर लिवो काय तुमूह तो जुड़ जायेल हे, एने जो बी तुमू मांगतेह, तो तुमरी केरता एय जाय। 25 ✝11:25 मत्ती 6:14,15एने जेवी तुमू उबरीन विन्ता किरहो ते केदी तुमरे मोना माय एगदान बाराम काह खोट एय ते माफ किरो, तानकेरता काय तुमरो हेरगावालो आबोख बोगवान बी तुमरो गुनो माफ केरी।