20 पुण जेवी युसूफ ज्यी वातुन बाराम मोना माय विचार केरने बाजरियेल इतो, तेवी बोगवानान हेरोगदुत ताह होपना माय देखानो एने केयो, "एय युसूफ दाऊदान सोरा, तु तारी बायकुह तार गेर लावणेन बिहे मा, काहाकाय जो तीन पेटाम हे तो चोखाला जीवान उगे रेन हे, 21 ✝1:21 लुका 1:31ती एक सोराह जेल्मो देय, एने तु तान नाव यीशु मिलजे, काहाकाय तो आपणा माणहान तान पापाम रेन वोचाड़ी।"

22 ज्य सोब ज्यानकेरता एनो काय जो वचन जाणकार बोगवाना उगे रेन कियेल इतो, तो पुरो एय। 23 "दिखो, एक कुवारली सोरीह दिह रेती, एने ती एक सोराह जेणी एने तान नाव इम्मानवेल मेलाय जाय," तान मतलब हे, "बोगवान आमरी हिऱ्यो हे।"✝1:23 यशाया 7:14

24 तेवी युसूफ निंद माय रेन जागीन बोगवानान हेरोगदुतान उकुम मानेन तिहेस केरीन, युसूफ मरीयम हिऱ्यो वाराड़ केरीन तान गेर लेन आवो; 25 ✝1:25 लुका 2:21एने जाह वोर ती सोराह जेल्मो नाह देनी ताह वोर युसूफ ती हिऱ्यो नाह गीयो, एने युसूफ ता सोरान नाव यीशु मिल्यो।