Mateus 6

25 ज्यानकेरता मी तुमूह केथु काय आपणा जीवान कालजी मा किरहो, काय आमु काय खाहु एने काय पिहु; एने नाह आपणा सेरीरान केरता काय काय पेरहु। काय जीव रोटाह रेन; एने सेरीर फाड़काह रेन वोदार नाह सोतो काय? 26 चीड़ाह दिखो, ता नाह ते पेरते नाह ते काटतेह, एने नाह ते मोटक्या माय एकठो केरतेह; तीबी तुमरो हेरगावालो आबोख ताह खावड़ावेह, काय तुमू ताह रेन होवटा किमतीन नाह सोता? 27 *6:27 थोड़ोक जीवोतुमरे माय कुण ओहलो हे, जो चिन्ता केरीन तान जीवाय आथ बोर वोदाड़ सेकी?

28 एने फाड़कान केरीन काहा चिन्ता केरतेह? जेंगला मायवाला फुलाह दिखो! ता किहेक मोठा एतेह; ता नाह ते मेहनेत केरते, एने नाह ते हुकतेह। 29 तीबी मी तुमूह केथु, काय सुलेमान राजा बी तान आखा राज ने काल माय ताम रेन एकान गेत बी नाह फाड़का पेरेल इतो।✝6:29 1 राजा 10:4-7; 2 इतिहास 9:3-6 30 तानकेरता एय अविश्वासी! जेवी बोगवान जेंगला मायवाला खेड़ाह, जो आज हे एने काल आक्‍ठा माय हेलगी जाथे, ओहलाह तो फाड़का पेरावेह, ते काय तुमूह न्याह रेन वोदार नाय पेरावी।

31 तानकेरीन तुमू चिन्ता केरीन ज्य मा किहो काय आमु काय खाहु, एने काय पिहु, एने काय पेरहु। 32 काहाकाय ज्यी दुनियान माणहे ज्यी आखी वोस्तुह होदते रेतेह, पुण तुमरो हेरगावालो आबोख जाणेह काय तुमूह ज्‍यु आखी वोस्तुन गिरेज हे। 33 पुण पेल तुमू बोगवानान राज एने तान देरमाह हुदो, ते ज्‍यु आखी वोस्तु बी तुमूह जुड़ जाती। 34 तानकेरीन हेकालेन चिन्ता मा किरहो, काहाकाय हेकालेन दिह तान चिन्ता तोच केर लेय; आजीन केरीन आजुच ने दुख जुलूम हे।