मत्ती 8

यीशु दुय खाराब जीव लागेल माणहाह हुदारने

28 जेवी यीशु ती मीरे गदरेनियोन देसा माय पोचनो, ते ताह माहणा माय रेन जाणे बाजरियेल इतो तेवी दुय माणहे मिलना, जा माय खाराब जीव एता, ता दुयू ओला बियावी ओहला एता, काय कुण बी ती वाटे रेन जाय नाह सेकतालो। 29 ता आयड़ीन केणे बाज गीया, "एय बोगवानान बेटाख, आमरो तुवा हेऱ्यो काय काम? काय तु टेमीह रेन पेल आमुह दुख देणेन न्या आयेल हे?"

30 ताह रेन जारीक सेटोह जुलूम होवटा हुवऱ्यान एक टुलो चेरने बाजरियेल इतो। 31 ता खाराब जीव ताह विन्ती केरीन केया, "केदी तु आमुह बाहेर निकालेह, ते पोला हुवऱ्यान टोला माय मोकेल दे।"

32 यीशु ताह केयो, "जावो," तेवी ता ता माणहा माय रेन निकलीन ता हुवऱ्या माय रिग गीया। ओलो आखो हुवऱ्यान टुलो आड़वाया माय रेन उतरीन देरीया माय जाय पोड़नो, एने बुड़ीन मोर गीया।

33 ज्य देखीन हुवऱ्यान गोवाले नाठा, एने हेयराम जाईन ज्‍यु आख्‍यु वातु एने जा माय खाराब जीव एता, तान बाराम आखो काय केय होमलाया। 34 तेवी आखा हेयरान सोब माणहे यीशुह मिलनेन केरता आवा; एने ताह देखीन विन्ती केऱ्या काय तो तान ईलाका माय रेन दिहरी जागे जात रेय।