2 केदिस नाह! आपु जा पापान केरता मोर गीया ते ओवता ज्यान ओंगाण ता माय किहीक जीवणो जीवहु? 3 काय तुमू नाह जाणते काय आपु आखा जा मसी यीशुन बपतीस्मा लेदा, तान मोतीन बपतीस्मा लेदा। 4 ✝तानकेरता आपु बपतीस्मान द्‍वारा यीशुन मोती माय बेचकाएन ता हेऱ्या बुजाय जायेल हेते, जाकेरीन काय आबाख ने बोड़ायीन द्‍वारा जीहे मसी जीवाड़ाय जायेल ईतो, तिहेच केरीन आपु बी नोवाला जीवणान चाल चाले।

5 काहाकाय केदी आपु यीशु हेऱ्या तान मोतीन समानता माय एक एय जायेल हेते, ते जोरवरीस तान जीव उठणेन समानता माय बी एक एय जाहु। 6 आमु जाणतेह काय आमरो जुनालो पापान काबावालो सेरीर यीशु हेऱ्यो खुरूसखाम पोर चेड़ाय गीयो, काहाकाय आपणो पापान सेरीर काईस कामान नाह बोण जाय एने आपु ओंगाण पापान गुलाम माय नाय रिज्यो। 7 काहाकाय जो मोर गीयो, तो पापाह रेन सुटीन देरमी ठेरानो।