Marcos 7

11 Nambu mangwetumwe mmolanga yene, ‘Anda mudu akweti kilebe chakape awamundu andaje amamundu, nambu alenga kilebe chenie Kolibani, mana gakwe chikipangigwe ku Nnoongo, 12 bai, apaligwaje kabe kape awamundu andaje amamundu.’ 13 Yenie nga pamilibembula lilobe lya Nnoongo magambu gwa maboulo gammolana. Kabe gabi gange majingi agantendanga andi genia."

Ilebe immengwa mundu

14 Yesu ngaukema kabele nkengeni gwa bandu, ngaulengela, "Umbenekiange mmoa, na mmanyange. 15 Kibije kilebe echikijingi nkati ja mundu kuboka panja echikiotola kummeka mundu kube mmaja. Nambu echikipita nkati ja mundu nga echikimmeka mundu mumalemwa.