Mateus 8

Yesu annamia mpakachi jwana Afisa ba chilikali ja Loma

5 Yesu paika pikilambo chuku Kafalanaumu pannyini, kilongoi jumwe jwa Loma nganyendelela, ngampembela annyangate, 6 ngalenga, "Ananhota mpakachi jwango abi ukaja ntamwe lola na atekupola."

7 Yesu ngannengela "Mainka kunnamiya."

8 Kilongoi jwenio ngannenge Yesu, "Ananhota, mbaligweje mwe nnyingi unyumba jango. Nambu nnenge lilobe limwe tu mpakachi jwango malama. 9 Gambu nane uyo namundu nambi pae jikinala cha akinanhota bango, ngweti manjolinjoli ababi pae jango. Anda nannengi jumwe, ‘Nnyende!’ Na jwenio kujenda, anda nannengi jumwe, ‘Nhwike!’ Na jwenio kuika, na andanannengi mpakachi jwango, ‘Nkamule kilebe eche!’ Na jwenio kamula."

10 Yesu pajoa genia, ngaomongwa muno, ngabalenge bandu abakiba bakankengema, "Nannenge kweli nanammonaje mundu jwajoa Kuisilaeli pano ojwakweti imani ngolongwa andi ojo. 11 Nannenge kweli, bandu ajingi mabaika kuboka kumbwani nu kundonde, benia mabatamanga pamwe pampapala na Ulaimu na Isaka na Yakobo kukingwana chu kumbengu. 12 Nambu angweto abapaligwe kube mukingwana cha Nnoongo papakulekeligwa panja, pulubendu, kwenio bapakugutanga nu ukeya mino." 13 Kuboka penia Yesu ngannenge kilongoloi jwa Loma, "Nnyabule ukaja na ikabe andi punhwamini." Na mpakachi jwakwe ngalama kingobu uchache.