44 "ବାଟାତ ମା ଆଗେନି ଆବାର୍‌ଲାତ୍ରା ଲାହାଂ ଇସ୍ୱର୍‌ତି ମାନାକା ତାକେ ସାକି ତୁମ୍‌ ମାଚାତ୍‌ । ଇସ୍ୱର୍‌ ମସାଙ୍ଗ୍‌ ଇନେସ୍‌ ରଚ୍‌ଚି ୱେଚ୍‌ଚି ମାଚାନ୍‌ ଆରି ମସାଂ ଇମ୍‌ଣି ହାର୍ଦାକା ଚଚ୍‌ଚି ମାଚାନ୍‌, ଇଦାଂ ହେ ଲାକେ ରଚ୍‌ୟାଜ଼ି ମାଚାତ୍‌ । 45 ଆରେ, ମା ଆକର୍‌ ହେଦାଂ ଗାଟାଜ଼ି, ଇସ୍ୱର୍‌ ହେୱାର୍‌ ମୁମ୍‍ଦାଂ ଇମ୍‌ଣି ଜାତିରିଂ ହପ୍‍ଚି ତୁହିତାର୍, ହେ ଜାତିରିଂ ଆଦିକାର୍‌ତ ହେୱାର୍‌ ଜିହସୁୟତି ଇଚି ହଣ୍‌ଜି ହେଦାଂ ଦାଉଦ୍‌ତି ୱେଡ଼ାଂ ପାତେକ୍‌ ଇଡ଼୍‌ତାନ୍‌ । 46 ହେୱାନ୍‌ ଇସ୍ୱର୍‌ କାଣ୍‍କୁତ ଦୟା ପାୟାଜ଼ି ଜାକୁବ୍‌ତି ଇସ୍ୱର୍‌ କାଜିଂ ର ଇଲ୍‌ ରଚ୍‍ନି କାଜିଂ ପାର୍ତାନା କିତାନ୍‌ । 47 ମାତର୍‌ ସଲମନ୍‌ ହେୱାନ୍ତି କାଜିଂ ର ମନ୍ଦିର୍‌ ଇଲ୍‌ ରଚ୍‍ଚାନ୍ ।"

48 "ଆତିସ୍‌ପା ଇନେର୍‌ ସିଗ୍‌ଦାକାନ୍‌ ଇସ୍ୱର୍‌, ହେୱାନ୍‌ କେଇଦ ରଚ୍‌ଚି ଇଲ୍‌ ବାହା କିଉନ୍‌ ! ଇନେସ୍‌କି ବେଣ୍‌ବାକ୍‌ଣାୟ୍‌କିନାକାର୍‌ ଲେକିକିତାନ୍ନା ।"

49 ମାପ୍ରୁ ଇଚାନ୍‌ "ବାଦାଡ଼୍‌ତ ମା ଗାଦି,

ପୁର୍ତି ମା ପାନା ତାରେନ୍‌, ମାପ୍ରୁ ଇଚାନ୍ନା,

ଏପେଙ୍ଗ୍‌ ମା କାଜିଂ ଇନେସ୍‌ବାନି ଇଲ୍‌ ରଚ୍‌ନାଦେର୍ ?

କି ମା ଜମ୍‌ନି ବାହା ଇମେତ୍‌ ?

50 ମା କେଇ ଇନାକା ଇ ୱିଜ଼ୁ ବିସ୍ରେ ଉବ୍‌ଜାଣ୍‌ କିୱାତାଂନା ?"