6 ମାତର୍ ଜିସୁ ଇଚାନ୍, "ଆନ୍ଦେଂଲିଂ ପିହାଟ୍, ଇନେକିଦେଂ ତାଙ୍ଗେଙ୍ଗ୍ କସ୍ଟ ହିନାଦେରା ? ହେଦେଲ୍ତ ନା କାଜିଂ ହାର୍ଦି କାମାୟ୍ କିନାତା ।" 7 ଇନେକିଦେଂକି ଅର୍କିତ୍ ଲଗୁ ସବୁୱେଡ଼ାଙ୍ଗ୍ ମି "ଲାଗାଂ ମାନାର୍, ଆରି ମିଦାଙ୍ଗ୍ ଏଚେକାଡ଼୍ଦ ଇଚା ହେ ଏଚେକାଡ଼୍ଦ ପା ହେୱାରିଂ ଉପ୍କାର୍ କିଦେଙ୍ଗ୍ ଆଡ୍ନାଦେର୍, ମତର୍ ଆନ୍ ସବୁୱେଡ଼ାଙ୍ଗ୍ ମି ତାକେ ମାନୁଙ୍ଗ୍ । 8 ହେଦେଲ୍ ଏଚେକ୍ ଆଡ଼୍ଦାତାତ୍, ହେଦାଂ ହେଦେଲ୍ କିତାତ୍ନା; ହେଦେଲ୍ ଦୁଗେର୍ କାଜିଂ ନା ଗାଗାଡ଼୍ତିଂ ଆଗେନେ ଚିକାଣ୍ କାସ୍ଦାତାତ୍ । 9 ଆନ୍ ମିଙ୍ଗେଙ୍ଗ୍ ହାତ୍ପା ଇଞ୍ଜ୍ନାଙ୍ଗା, ୱିଜ଼େ ପୁର୍ତି ତାକେ ଇମ୍ଣି ବାହାତ ପା ନେକ୍ରିକାବୁର୍ ୱେଚ୍ଚିୟା ଆନାତ୍, ହେ ବାହାତ ଇ କଗ୍ଲେଂ ଏତୁ କିଦେଙ୍ଗ୍ ତାଦେଲ୍ତି ଇ କାମାୟ୍ନି କାତା ପା ଇନିୟା ଆନାତ୍ ।"
ଜିହୁଦା ଜିସୁଙ୍ଗ୍ ସତ୍ରୁ କେଇଦ ଆହିକିନାନ୍
(ମାତିଉ ୨୬:୧୪-୧୬; ଲୁକ ୨୨:୩-୬)